Супориш ба бонкдорҳо: Бештар занонро ба кор гиред!
Эмомалӣ Раҳмон, раисиҷумҳури Тоҷикистон мегӯяд, супоришаш барои ҷалби бештари занону бонувон ба кор дар муассисаҳои бонкӣ пурра иҷро нашудааст.
Раисиҷумҳури Тоҷикистон охири ҳафтаи гузашта дар нахустин ҷаласаи Шӯрои миллии кор бо ҷавонони назди Президент гуфт, мо пешниҳод карда будем, ки ба кор дар муассисаҳои бонкӣ бештар занону бонувон ҷалб карда шаванд: “Аз таҳлили маълумоти оморӣ маълум мешавад, ки ин супориш пурра иҷро нашудааст”.
Эмомалӣ Раҳмон ба роҳбарони бонкҳои давлативу саҳҳомӣ ва сохторҳои маҳаллии онҳо дастур дод, ки камбудии ҷойдоштаро бартараф намуда, кормандонашонро аз ҳисоби бонувон бештар намоянд.
Тибқи иттилои расмӣ феълан шумораи занон дар мақомоти марказӣ ва сохторҳои тобеи онҳо 16 фоиз, мақомоти иҷроияи ҳокимияти давлатӣ 21 фоиз, мақомоти худидоракунии шаҳраку деҳот 21 фоиз мебошад, ки ба гуфтаи раисиҷумҳури Тоҷикистон ин рақамҳо ҳанӯз каманд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |