Нигаронии Убайдуллоев аз “занозанӣ”-и мактаббачаҳо
Маҳмадсаид Убайдуллоев, раиси шаҳри Душанбе аз ҳолатҳои муноқишаи миёни хонандаҳои мактаб дар пойтахти кишвар нигаронӣ кардааст.
Бино ба иттилои дафтари матбуоти шаҳрдорӣ, Убайдуллоев чунин ҳолатҳоро “натиҷаи бемасъулиятии масъулини Раёсати маорифи шаҳру ноҳияҳо ва нозирони минтақавии милитсия дар иҷрои вазифаҳои хизматӣ” унвон кардааст.
Раиси шаҳри Душанбе дар ҷаласаи васеи шаҳрдорӣ, ки 6 июн дар “Маркази равобити пойтахт” баргузор шуд, ҳушдор додааст, дар сурати такрор шудани чунин ҳодисаҳо “нисбати масъулин бо татбиқи чораҳои пешбининамудаи қонунгузорӣ тадбирҳои ташкилӣ андешида мешаванд”.
Ин ҳушдори Убайдуллоев дар ҳолест, ки рӯзи Вазорати умури дохилии Тоҷикистон аз боздошти 7 хатмкунандаи синфҳои 9 ва 11 дар Душанбе хабар дод, ки дар авбошӣ муттаҳам мешаванд. Бино ба иттилои вазорат, дастгиршудаҳо ҳамроҳи як нафари дигар, ки таҳсил намекунад, "3 июн тартиботи ҷамъиятиро дағалона вайрон карда, якдигарро латукӯб намудаанд”.
Манбаъ мегӯяд, дар пайи ин занозании сокинони навраси Душанбе чор нафарашон ҷароҳат бардошта дар беморхона бистарӣ гардидаанд: “Феълан тафтиши ҳодисаи мазкур идома дорад”.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |