08 июн 2016 14:04Тоҷикистон / Иҷтимоӣ / Тема дня

12 сол ҳабси Ҳасанов барои ғорати телефону 200 сомонии чиниҳо дар Душанбе

Додгоҳи ноҳияи Исмоили Сомонии шаҳри Душанбе Януш Ҳасанови 30-соларо барои роҳзанӣ дар ҳолати хавфнок гунаҳкор дониста, ба муҳлати 12 сол равонаи зиндон намудааст.

Тибқи иттилои додгоҳ, Януш Ҳасанов, сокини шаҳри Душанбе бо ҳаммаслаконаш- Валиҷон Одинаев ва ноболиғон – Маъруф Акрамову Алиҷон Насриддинов, 2 феврали соли равон, тахминан соати 20:30 ду шаҳрванди Чинро ғорат кардаанд: “Дар роҳи пиёдагарди кӯчаи Ҳофизи Шерозӣ бо корду занҷир алайҳи Хан Чанг Фу ва Ванг Ганг, шаҳрвандони Чин, ки дар Маркази барқу гармидиҳӣ-2-и Душанбе ба ҳайси челонгари трубина кор мекардаанд, зӯроварӣ намуда, телефони 1500 сомонии Хан Чанг Фу ва 200 сомонии Ванг Гангро ғорат кардаанд”.

Манбаъ мегӯяд, ғоратгарон баъди ду рӯз телефонро ба маблағи 300 сомонӣ ба Раҳимҷон Мирзоев, як шиносашон фурӯхтаанд: “Баъди фаъол кардани телефон кормандони милиса онро пайдо мекунанд ва Раҳимҷон Мирзоев изҳор доштааст, ки ҳангоми харидани телефони мазкур дар хусуси бо роҳи ҷиноят ба даст омаданаш маълумот надоштааст”.

Дар пайи баррасии қазия додгоҳи ноҳияи Исмоили Сомонӣ Януш Ҳасановро бар асоси моддаи 249, қисми 3 банди «д»- Кодекси ҷиноятӣ, роҳзанӣ дар ҳолати махсусан хавфнок гунаҳкор дониста, ба 12 соли зиндони низомаш сахт маҳкум намудаст.

Мӯҳр

Хабарҳои монанд:

Darvesh

12 сол ҳабси Ҳасанов барои ғорати телефону 200 сомонии чиниҳо дар Душанбе..
AKHRINET PROSTO baroi telephone 12 sol az tojik ne az khitoi ... KOISHMAR SUDI MUHTARAM SUDYA

Ҷавоб диҳед Иқтибос Шикоят

Филолог

Озодагони мухтарам! Камтар хангоми нашри маколахо боахмият бошед. Нихоят чумлахои мураккаби печи дар печ менависед, ки лозим меояд чумларо ду-се бор хонд. “Дар роҳи пиёдагарди......" Як ба хамин чумлаатонахамият дихед. Содда карда нависед, ки хоно ва осонфахм бошад. Ташаккур.

Ҷавоб диҳед Иқтибос Шикоят

Адолатчуй

Наход барои як телефон 12 сол диханд. Каллобоне,ки ними шахрро фиреб карда маблагхои зиёде ситондаанд,дар озоди гаштаандку? Чаро онхоро судхои мухтарами мо чазои лоик намедиханд?

Ҷавоб диҳед Иқтибос Шикоят

Эзоҳ илова кунед