16 рӯзи муқовимат алайҳи падидаҳои номатлуб

«16 рӯз алайҳи зӯроварии гендерӣ».

---

Таҳти чунин унвон дар шаҳри Қӯрғонтеппа чорабинии вижа, ки аз ҷониби хазинаи СММ дар соҳаи нуфузи аҳолӣ  (UNFPA)  ташкил карда шудааст,  баргузор мегардад. Тавре ба «Озодагон» аз вазорати фарҳанг хабар доданд, айни ҳол ба маъракаи 16 рӯз зиёда, аз 1000 ташкилотҳо тақрибан аз 130 кишвари ҷаҳон ба ҳам омадаанд ва Тоҷикистон низ аз ин иқдом дар канор намондаст.

Манбаъ афзуд, вазорати фарҳанги  Тоҷикистон ва муассисаи давлатии сафарию ҳунарии «Базморо» дар доираи ин маърака ду барномаи консерти сурудҳои миллӣ  ва мусиқии муосирро бо иштироки беҳтарин овозхонҳои кишвар- Қобилҷон Зарипов, Ҳасани Ҳайдар, Нигина Амонқулова, Зиёвиддин Нурзод, Азалия Галиаҳмадова, гурӯҳи рақсии «Филармонияи давлатии Тоҷикистон» ба номи А.Ҷӯраев ба нақша гирифт, ки рӯзи 10 ноябри соли 2011 дар ноҳияи Ҳисор чорабинии аввал баргузор гардид.

Гуфта мешавад, ки ташаббускори ин маъракаи байналмилалӣ дар соли 1991 донишкадаи сарварии глобалии занон бо кӯмаки Маркази занон дар ИМА буд. Иштирокчиёни маърака санаи 25 ноябрро рӯзи байналмилалии мубориза алайҳи зӯроварӣ нисбати занон, 10 декабрро рӯзи байналмилалии ҳуқуқи инсон интихоб намуданд.Ин давраи 16 рӯза ҳамчунин, дигар санаҳои муҳим, аз ҷумлу 1 декабр - рӯзи байналмилалии мубориза алайҳи СПИД - ро дар бар мегирад.

Мӯҳр