22 июн 2016 16:00Тоҷикистон / Иқтисодӣ

Ироаи сабукӣ ба ширкатҳо дар бунёди нерӯгоҳи “Роғун”

Эмомалӣ Раҳмон, раисиҷумҳури Тоҷикистон ҳафтаи гузашта бо имзои як қарор ба ширкатҳои иштирокдор дар бунёди нерӯгоҳи барқи обии “Роғун” сабукӣ додаст.

Тибқи қарори имзонамудаи раисиҷумҳур дар давоми сохтмони нерӯгоҳи “Роғун” ҳаҷми андоз аз арзиши иловашуда барои ширкатҳои таъминкунандаи мол, кор ва хизматрасонӣ дар ин нерӯгоҳ дар ҳаҷми 5 фоиз муқаррар карда шавад. Ҳукумат муқаррар намудааст, ки меъёри 5 фоизӣ барои ширкатҳои иштирокдор дар бунёди Роғун аз аз 1-уми майи соли равон ҳисоб карда шавад.

Ин дар ҳолест, ки ахиран парлумони Тоҷикистон бо қабули тағйирот ба буҷаи соли 2016 нерӯгоҳи “Роғун”-ро аз пардохти андози “роялтӣ” озод намуд.

Нерӯгоҳи барқии обии Роғун, ки Эмомалӣ Раҳмон, раисиҷумҳури Тоҷикистон онро масъалаи “ҳаёту мамоти” кишвар хондааст, дар сурати бунёд бо иқтидори 3600 мегават ва садди 335 метра, бузургтарин нерӯгоҳ дар Осиёи Марказӣ хоҳад шуд ва Тоҷикистонро аз як кишвари муҳтоҷи нерӯи барқ ба содиркунандаи он табдил хоҳад дод. Давлати Тоҷикистон борҳо таъкид кардааст, ки иддаои зарари "Роғун" асосе надоранд, зеро об дар садди нерӯгоҳ ба тадриҷ ва дар муддати бештар аз як даҳсола ҷамъ гардида, ба манфиати ҳамаи кишварҳои минтақа истифода хоҳад шуд.

Мӯҳр

Хабарҳои монанд:

Бахтиёр

Дар даврони соҳибистиқлолӣ Президенти Ҷумҳурии Тоҷикистон Эмомалӣ Раҳмон ба хотири таъмини зиндагии шоиста барои мардуми шарафманди тоҷик се самти асосию стратегиро дар сиёсати Ҳукумати Ҷумҳурии Тоҷикистон интихоб карданд, ки бо татбиқи пурраи онҳо Тоҷикистон ба яке аз кишварҳои пешрафтаву аз бисёр ҷиҳат тараққикарда мубаддал мегардад.Вобаста ба ҳадафи стратегии расидан ба истиқлолияти комили энергетикӣ дар кишвар бо дастуру ҳидоятҳои Президенти мамлакат Эмомалӣ Раҳмон бо истифодаи оқилонаву сарфакоронаи захираҳои гидроэнергетикӣ сохтмону таҷдиди неругоҳҳои хурду бузурги барқи обӣ оғоз гардида, хатҳои баландшиддати интиқоли нерӯи барқ ва зеристгоҳҳои барқӣ бунёд шуданд. Санаи 29.10.16. дар шаҳри Роғун бо иштироки Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар соҳили дарёи Вахш маросими оғози бунёди сарбанди Нерӯгоҳи барқи обии Роғунро тарики телевизион томошо кардем. Ин тадбири муҳими ва ташаббуси бевоситаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба хотири идомаи корҳои созандагию бунёдкорӣ дар иншооти стратегӣ Нерӯгоҳи барқи обии Роғун амалӣ шуда, ҳадаф аз он расидан ба истиқлолияти комили энергетикӣ мебошад.

Ҷавоб диҳед Иқтибос Шикоят

Эзоҳ илова кунед