24 июн 2016 16:09Оcиёи Марказӣ / Тоҷикистон
Беҷазоиро боз дор: Сарбози латукӯбшударо як ҳафта касе ташхис накард (АКС)
Тибқи иттилои сомонаи расмии Эътилофи ташкилотҳои ҷамъиятии зидди шиканҷа то анҷоми хизмати Фарухҷон Ҳайталиев 8 моҳ монда буд. Ӯ моҳи октябри соли 2014 аз ҷониби Комиссариати ҳарбии ноҳияи Темурмалик ба хизмати ҳатмии ҳарбӣ даъват шуда, ба қисми низомии 2620-и қӯшунҳои сарҳадии КДАМ ҶТ фиристонида ва баъдан ба қисми низомии 2847, ки дар ноҳияи Рӯдакӣ воқеъ аст, гузаронида шуда буд.
Дар давоми хизмат ӯ ва дигар хизматчиёни ҳарбии ҳамдаъваташ мунтазам ба латукӯб аз ҷониби ҳамхизматашон Алихон Туйчиев, ки 6 моҳ пеш аз онҳо ба сафи Қувваҳои Мусаллаҳ даъват шуда буд, дучор мегардиданд.
11-уми январи соли 2016 ҳангоми гуфтугузор дар вақти машғулият дар бинои таълимӣ А. Туйчиев гӯё бо мақсади тарбият додан Ф. Ҳайталиевро бори дигар латукӯб кард. Ҳамон шаб, аммо дар сарбозхона сарбози собиқадор Фарухҷонро бо қундоқи автомат зад. Баъди ин латукӯбҳо ҷавон худро хеле бад ҳис мекард, ҳатто дар пой рост истода наметавонист ва дар сарбозхона хоб буд. Тамоми як ҳафта касе сарбозро ташхис накард ва ба ӯ кӯмаки тиббӣ расонида нашуд.
18-уми январ, вақте ки саломатии Фарухҷон тамоман бад шуд, ӯро ба бахши тиббии қисми низомӣ бурданд. 20-уми январ сарбоз аз дунё гузашт.
Моҳи майи соли 2016 хизматчии ҳарбӣ Алихон Туйчиев барои вайрон кардани қоидаҳои оинномавии муносибати миёни хизматчиёни ҳарбӣ ва расонидани зарари барқасдонаи вазнин ба саломатӣ гунаҳгор дониста шуда, ба муҳлати 14 сол бо адои ҷазо дар колонияи ислоҳии низомаш пурзӯр аз озодӣ маҳрум карда шуд.
Ду афсар - сардори посгоҳи сарҳадии қисми низомии 2847-и қӯшунҳои сарҳадии КДАМ ҶТ, капитан Суфӣ Суфиев ва ҷонишини ӯ оид ба кор бо ҳайати шахсӣ, лейтенант Бобурҷон Ортуков барои сӯйистифода аз вазифа гунаҳгор дониста шуда, ба муҳлати 4-солӣ бо адои ҷазо дар колонияи ислоҳии низомаш пурзӯр аз озодӣ маҳрум карда шуданд.
Эътилофи ташкилотҳои ҷамъиятии зидди шиканҷа ба муносибати 26-уми июн - Рўзи байналмилалии дастгирии қурбониёни шиканҷа аксияи «Қурбонии шиканҷаро дастгирӣ намо! Беҷазоиро боз дор!» роҳандозӣ кардааст. Эътилоф ҳамарӯза дар торнамояш қиссаи қурбониёни шиканҷа дар Тоҷикистонро нашр мекунад ва тамоми суханҳои дастгирикунандаи корбаронро ба қурбониёни шиканҷа ва аъзои оилаи онҳо мебахшад.
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
