04 июл 2016 13:33Тоҷикистон / Иқтисодӣ

Таъкиди Убайдуллоев барои қатъи фаъолияти соҳибкороне, ки нархҳои тавсиявиро риоя намекунанд

Шаҳрдории Душанбе тамоми соҳибкоронро муваззаф кардааст, 4 ва 5 июл дар тамоми бозорҳои фаъоли коммуналию хусусии пойтахт фурӯши 21 намуди анвои маҳсулоти ниёзи аввалияро бо риояи нархҳои тавсиявӣ ба роҳ монанд.

Дар ҷаласаи васеи шаҳрдорӣ, ки субҳи имрӯз, 4 июл дар “Маркази равобити пойтахт” баргузор шуд, Маҳмадсаид Убайдуллоев гуфтааст, ҷиҳати “пурфайзу эҳсон намудани дастурхони идонаи сокинон” 1 кг картошка - 1 сомонию 20 дирам, карам – 80 дирам, бехпиёз - 80 дирам, сабзӣ -1 сомонию 50 дирам, помидор – 2 сомонию 50 дирам, бодиринг – 3 сомонӣ, себ-5 сомонию 40 дирам, биринҷ – 8 сомонию 50 дирам, нахӯд – 13 сомонӣ, лӯбиё- 8 сомонӣ, мош - 8 сомонӣ, равғани пахтаи доғкардашуда – 10 сомонӣ, гӯшти гов – 30 сомонӣ, гӯшти гӯсфанд – 31 сомонӣ, шакар – 6 сомонӣ, чойи сиёҳ 17 сомонӣ, чойи кабуд -18 сомонӣ, 1 литр шир - 3 сомонӣ, 10 дона тухм – 6 сомонӣ, 1 кг орди навъи якум – 3 сомонӣ ва 1 дона нони 400 грамма 1 сомонию 50 дирам ба фурӯш гузошта шавад.

“Ҳамзамон, муқаррар гардид, соҳибкороне, ки дар риояи ин иқдомоти дастаҷамъона дар рӯзҳои зикршуда бо хунукназарӣ муносибат менамоянд, фаъолияташон дар бозорҳои ба мушоҳидарасида қатъ карда мешавад”,-изҳор дошт сухангӯи раиси шаҳр.

Ба таъкиди ӯ, аз кулли сокинони шаҳр даъват карда шуд, ки нисбати маҳсулоти мавриди таваҷҷуҳ аз нархҳои тавсияшуда зиёд харидорӣ накунанд.

Мӯҳр

Хабарҳои монанд:

гушкнен и чозо бе хамишам ба гайр аз гушт шакар ки бе гушту шакарам меша руз гзаронда нархшон хамикадаран... ва и чозаи гуфтагии шумора бе иншам пештар вакте ки нарх нахестааст гирифта захира кардан мешавад... дар омадани ид чаноби МЭР нархи ино не нархи МЕВАГИ мехеза, ки мутаасифона онро захира кардан гайриимконаст, не просто мехеза нарх а якчанд маротиба мехеза.... хуб мешуд ки иншам ба инобат мегирифтен, ё ин ки хами мевагира ввообще дар арафаи ид фуруша аз байн мебурден токи хичкас барои ай хамсоям хешу таборм акиб намомн гуфта сарф накна и миени мардума нашкна и беинсофоооооооооооо

Ҷавоб диҳед Иқтибос Шикоят

Собир

Мухрам Раис! О як бор унту рафта худатон аз бозор харид кунед, мефахмед ки нарххо чи тур. О дар кабинет шишта нарха регулировка кардан мумкин мй?! О хеч гох! Хамин себи гуфтегитон дар Зельёный аз 10 сомон киммат раис ако.

Ҷавоб диҳед Иқтибос Шикоят

Барзу

Макомоти давлати хукуки дахолат карданро ба нархгузори надоранд. Он бо талаботу таклифот муайян мегардад. Агар шахрдории Душанбе ба ин кори савоб даст задан хохад, пас танхо усулхои иктисоди метавонанд самарабахш бошанд. Дигар хамаи ин роххои маъмури бемаъни аст. Лекин барои усулхои иктисодиро истифода бурдан махорату дониши амик лозим, ки холо "дефитсит" шудааст...

Ҷавоб диҳед Иқтибос Шикоят

Сухроб

Мувофики конунхои мавчуда дар Точикистон нарх озод аст, моне' шудан ба фа'олияти сохибкори бошад бо чавобгарии чиноятй чазо дода мешавад мухтарам ...

Ҷавоб диҳед Иқтибос Шикоят

Душанбе

Мухтарам Раис. Ин нархоро мо маруми одди дар шаби хобмон мебинем.

Ҷавоб диҳед Иқтибос Шикоят

Сабохиддин

Хамин намозу рузаи савдогарони бозорхои Душанбе кабул мешуда бошад? Инхо хама интизоранд, ки кай ид мешаваду молашонго кимат мефурушанд. Дируз дар бозорчаи махаллаи Зарафшон шохид шудам, ки як тарбузфуруш ба дигараш мегуфт, ки имруз ба ин нарх - 13-20 сомони тарбуз намегиранд, пагох пеш аз ид мурда-мурда киматтар мехаранд. Хамин бозорчаи махаллаи Зарафшон сохиб дорад ё не? Аз назари масъулин дур мондааст. Касе назорат намекунад, касе кадом нархро монаду фурушад, дар бораи холати гайрисанитарии бозор хочати гап нест. Як бор аз он масъулини Хукумати нохияи Сино хабар гиранд, бисёр чизхоро хабардор мешаванд. Аз одоби муошират надоштани хамон занаки калонаш то тарозухои фиребкунашон.

Ҷавоб диҳед Иқтибос Шикоят

Эзоҳ илова кунед