14 июл 2016 17:29Оcиёи Марказӣ / Тоҷикистон

Масъулини “ЖКХ”: Нархи обро боло бурдем, аммо ҳанӯз кофӣ нест

Равшан Туйчизода, муовини якуми раиси корхонаи “Хоҷагии манзилию коммуналии Тоҷикистон”, мегӯяд нархи обро барои аҳолию корхонаҳо 10% боло бурдаанд.

Тӯйчизода, имрӯз, 14-уми июл дар посух ба суоли “Озодагон” гуфт, соли равон ҳукумат пешниҳодашонро барои боло бурдани нархи об дастгирӣ кард: “Аз моҳи март нархи об барои аҳолӣ ва ташкилотҳои буҷавӣ аз моҳи равон барои ташкилотҳои ғайрибуҷавӣ боло рафт. Қаблан як метри мукааби об барои аҳолӣ 75 дирам нарх дошт ва ҳоло мардум барои гирифтани як метри мукааби об 83 дирам пардохт мекунанд”.

Равшан Туйчизода далели боло бурдани арзиши хизматрасониҳоро ба буҳрони молӣ ва вазъи мушкили корхона рабт дод, ки аз ташкилотҳои байналмилалии молӣ қарздор мебошад. Ӯ қарзи феълии корхонаи “Хоҷагии манзилию коммуналии Тоҷикистон”-ро дар назди Бонки аврупоии таҷдид ва рушд 33 миллион доллар гуфта, илова намуд, ки то охири соли равон бояд 13,5 миллион сомонияшро пардохт кунанд: “Ҳаҷми пардохти қарзҳо солҳои оянда зиёд шуда, то 22 миллион сомонӣ мерасад”.

Марҳабо Султонова, муовини раиси корхонаи мазкур дар нишасти матбуотӣ гуфт, ҳоло даромадҳояшон наметавонанд хароҷоти корхонаро пӯшонанд: “Аз 800 техникае, ки дар тавозуни корхона аст, 358 ададаш корношоям мебошад”.

Алимурод Тағоймуродов, раиси корхонаи “Хоҷагии манзилию коммуналии Тоҷикистон” дар нишасти қаблии худ гуфта буд, ки буҳрони молиявӣ ва болоравии қурби доллар корхонаи тобеашро дар вазъи вазнини молӣ қарор додаст. “Хоҷагии манзилию коммуналии Тоҷикистон” ба истиснои Душанбе хизматрасонии соҳаи обу комуналиро дар навоҳии дигари кишвар ба уҳда дорад.

Мӯҳр

Хабарҳои монанд:

Сарсон

Ма намефахмам обе ки дар мо хаст дар ягон чои дуне нест Оби тозаи худамон хаст неки дар ин чо долар чи рол мебозад Ман хайрон. Е обам бо долар харида мешава. Дар Россия ин хел нарх вучуд надора э раису муовин шумо чи гуфта истодае.

Ҷавоб диҳед Иқтибос Шикоят

Рустам

Камтар дузди кунед, ягон карз пайдо намешавад. Хама раисхо сохиби 5-6 дар квартира, 2 хавли, 2 зан, албатта карз пайдо мешавад. Фарзандхояшон дар хорича тахсил мекунад, бо мошинхои 50-60 хазор доллара мегарданд. Барои ин пулро аз ахоли меситонанд. Агентии зидди коррупсия кучо нигох мекунад, хайрон мешави. Мардуми одди ин чизро баръало мебинад, агенти на.

Ҷавоб диҳед Иқтибос Шикоят

ДАВЛАТ

ТОЧИКИСТОНЕ КИ ДАР ОСИЁИ МАРКАЗИ АГАР ДАР ЧАХОНАМ ГУЕМ ХАТО НАМЕКУНЕМ АЗ ХАМА ОБИ НУШИДАНИ БИСЕР ДОРАД ЛЕКИ БО АЗ ХАМА КИМО ОБ ДАР МО. ЧИХЕЛ??? ОБ НАМАК ВА ЯК ЧАНД ЧИЗИ ДИГАР БОЯД ДАР МО БЕ ПУЛ БОШАД!

Ҷавоб диҳед Иқтибос Шикоят

Барзу

Аз ташкилотҳои байналмилалии молӣ қарздор бошед, равшан гуед, чи кадар маблаг гирифтеду ба кадом лоихахо сарф кардед ва он чи самара дод...Тамом, хамаш фахмо мешавад. Шаффофият лозим...

Ҷавоб диҳед Иқтибос Шикоят

Бобои Файзигул

О рутон дар кавр ки чи хел мешудаст дар ватани сероб инхел нарххо? Мегуфта боши дар швецария зиндаги доран мардум. О медонед ку дар кадом сатх аст ин торикистон.

Ҷавоб диҳед Иқтибос Шикоят

хуб

Карздорияшонро аз хисоби ахоли хал карданиянд.
Хубтараш фахмонед, ки пули аз бонк гирифтаро кучо сарф ?

Ҷавоб диҳед Иқтибос Шикоят

мах

Агар боз хам боло баред кофи нест зеро ин зулм аст ба мардум об бояд ройгон бошад дар Точикистон

Ҷавоб диҳед Иқтибос Шикоят

8965

Кас намефахмад вакти карзгири аз мардум намепурсанду вакти карздихи аз мардум мегиранд ачабо.Хамин нархи бударо базур медиханду агар баланд шавад чи мешава .

Ҷавоб диҳед Иқтибос Шикоят

Эзоҳ илова кунед