“Порагирии журналисти сиёсии шабакаи 1 исбот нашудааст”
Маҳмадсаид Шоҳиён, раиси Кумитаи телевизион ва радиои назди ҳукумати Тоҷикистон мегӯяд, Хайрулло Мадисоев, собиқ журналисти сиёсии Шабакаи аввал, ки соли гузашта аз ҷониби Оҷонсии зидди фасод ба иттиҳоми порагирию қаллобӣ боздошт шуд, тавонистааст, бегуноҳияшро исбот кунад.
Маҳмадсаид Шоҳиён имрӯз, 15-уми июл зимни нишасти хабарӣ гуфт, Мадисоев ҳуҷҷати исботкунандаи бегуноҳияшро ба Раёсати кадрҳои Кумита пешниҳод кардааст: “Вақте ки ҳамон фактҳо тасдиқ нашуданд, мо маҷбур ҳастем, ки барои дастгирии журналистҳо, ки корманди худи мо аст, кӯшиш ба харҷ диҳем. Он чизе, ки аз тарафи худи журналист пешниҳод шуд, тавонист бегуноҳияшро исбот кунад ва дар вақти исбот кардан бо ҳуҷҷат ба Раёсати кадрҳо пешниҳод кард. Мо ин масъаларо боз як соли дигар омухтем, баррасӣ кардем”.
Роҳбарияти Кумитаи телевизион гуфт, қазияи Мадисоев ба фаъолияти касбияш низ дахл надошт: “Худо кунад, ки чунин иштибоҳҳо ё хатоиҳое, ки мегӯянд, барои мою Шумо дарс бошад”.
Аввали моҳи апрели соли гузашта Оҷонсии зидди фасоди Тоҷикистон аз боздошти Хайрулло Мадисоев, рӯзноманигори идораи барномаҳои сиёсии Шабакаи аввали телевизиони Тоҷикистон хабар дода, гуфта буд, ки боздошти ӯ ба фаъолияти журналистияш рабт надорад. Оз замон аз ин ниҳод ба “Озодагон” иттилоъ дода буданд, ки “бар асоси тафтишот Мадисоев дар маслиҳат бо Абдусаттор Мирзоев, муҳандис-заминсози ҷамоти Лоҳури ноҳияи Рӯдакӣ аз шиносашон, шаҳрванд “А” барои ҷудо намудани қитъаи замини наздиҳавлигӣ шаш ҳазор доллар пора талаб кардаанд. Мадисоев 9-уми апрел дар назди идораи телевизиони Тоҷикистон, ҳангоми гирифтани 3 ҳазор доллар аз шаҳрванд “А” боздошт гардида буд”.
Мақомот давоми тафтишоти қазия Мадисоевро аз боздошт раҳо карда буданд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |