Вазорати фарҳанг: “Арабшо” бо имзои қалбакии вазир консерт додааст
Вазорати фарҳанги Тоҷикистон мегӯяд, бархе гуруҳҳои ҳунарӣ бо санади тақаллубӣ аз номи ин ниҳод дар минтақаҳо намоиш ва консертҳо баргузор мекунанд.
Ибодулло Машрабов, муовини вазири фарҳанг имрӯз, 22 июл дар суҳбат бо хабарнигорон гуфт, ахиран ҳолати аз сӯи гуруҳи “Арабшо” истифодаи як санади сохта бо имзои вазирро ошкор кардаанд: “Ин гуруҳ дар бланкаи Вазорати фарҳанг имзои қалбакии вазири фарҳангро гузоштааст. Дар матни санад ҳамин қадар хатои зиёд аст, ки зуд қалбакӣ будани он маълум мешавад. Ҳамин ҳуҷҷатро асос карда, дар минтақаҳо консертҳо ва намоишҳо доир мекунанд”.
Хайрулло Тоҳиров, мудири бахши Раёсати фарҳанги вилояи Хатлон дар минтақаи Кӯлоб ҳам ахиран дар нишасти хабарие гуфта буд, гуруҳи “Арабшо” ва чанд ҳунарманди дигар бо санади сохта бахшида ба Иди модарон дар қасри фарҳанги Кӯлоб барномаи ҳунарӣ доир кардаанд.
“Арабшо” як гуруҳи ҳаҷвӣ буда, бештар дар клипҳои овозхонҳо нақшофарӣ мекунанд. Ин гуруҳ чанд филме ҳам таҳия кардааст, ки бо танқиди шореҳони кино рӯбарӯ шуд.
Ибодулло Машрабов, муовини вазири фарҳанг ҳамчунин аз як гуруҳи дигари ҳаҷвӣ ном бурд, ки аз номи Вазорати фарҳанг намоишҳо доир мекунад: “Лаҳзаҳои гуворо” се дафъа дар як мактаб рафта, ҳунарнамоӣ кардааст. Дар ҳоле ки он як гуруҳи худфаъолиятие беш нест ва ба вазорат рабте надорад”.
Ҷаноби Машрабов таъкид кард, бояд сатҳи огоҳии худи мардум баланд шавад ва пеши роҳи ин гуна корҳоро бигиранд. Ӯ ҳамчунин гуфт, нафаронеро, ки ба тақаллуби санадҳо даст мезананд, бояд ба додгоҳ кашид, аммо афзуд, ин кор ба салоҳияти мақомоти ҳифзи ҳуқуқ аст.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |