23 июл 2016 11:23Тоҷикистон / Сиёсат / Рӯ ба рӯ

Ҳимояти Убайдуллоев аз ташаббуси раиси “Султони Кабир” ва норозигияш аз раисони андозу молия

Маҳмадсаид Убайдуллоев, раиси шаҳри Душанбе бо ворид намудани тағйирот ба буҷаи шаҳр дар соли 2016 аз фаъолияти раисони раёсати андоз ва молияи пойтахт изҳори норозигӣ кардааст.

Тавре дафтари матбуоти шаҳрдорӣ ба “Озодагон” иттилоъ дод, Убайдуллоев зимни ҷаласаи Маҷлиси вакилони шаҳри Душанбе изҳор доштааст, ки ҳангоми ҷамъбасти фаъолияти 9-моҳа мутобиқати раисони андозу молияи пойтахтро ба мақомҳои ишғолнамудаашон ба миён хоҳад гузошт.

Убайдуллоев фаъолияти сохторҳои шаҳриро нокифоя хонда, барои таъсиси корхонаи нави истеҳсолӣ ва таъмини аҳолӣ бо ҷои кор ба масъулин муҳлат додааст. Ӯ аз ҷумла 302 раиси шӯрои шаҳраку маҳаллаҳо ва роҳбарони сохторҳои идоракунии биноҳои бисёрхонагиро муваззаф кардааст, ки бетаъхир ва бечунучаро коргоҳҳои ҳунармандӣ ташкил намоянд, ки дар ҳар яки онҳо на камтар аз 10 нафар бо ҷои кор таъмин гарданд: «Вакилон муваззаф шудаанд, ки иҷрои ин қарорро санҷанд ва дар ҷаласаи навбатӣ гузориш диҳанд».

Зимни ҷаласа раиси шаҳри Душанбе Авазхон Кабиров, раиси бозори «Султони Кабир»-ро мисол овардааст, ки барои бунёди бинои истеҳсолӣ, маҷмааи иншоотҳои истироҳатӣ-фароғатӣ, аквапарк ва марказҳои хизматрасонӣ дар кӯчаи Соҳилии шаҳраки 61 ташаббус нишон додааст. Убайдуллоев изҳор доштааст, ки танҳо баъди ба истифода додани корхонаи истеҳсолӣ дар як баст 1200 ҷойҳои нави корӣ таъсис меёбанд ва таъкид намудааст, ки ташаббусҳои созандаи ҳар соҳибкорро дастгирӣ хоҳад кард.

Мӯҳр

Хабарҳои монанд:

шахрванди 63-мкр

Вобаста ба пешравии корхои сохтумонии Аваз Кабир боиси дастгирист. Аммо! Магар чойхои холи кам буд дар лаби сохили 61,46 ва 63 ки зиеда аз 4-5 тавокуфгоххоро вайрон карданд,ки тамоми мошинхо дар сахни хавлихои хонахои баландошиена рехтанд. Бо ин сабаб хол бинеду ахвол пурсед...

Ҷавоб диҳед Иқтибос Шикоят

Кухистони

Чанобони мухтарами мо факат мегуянд, ки сохибкоронро дастгири мекунанд вале пусти сохибкорро зинда ба зинда канда истодаанд. Убайдулоев коркунони андозро мухокима карда чазо таин кардани мешавад ва онхоро бади чаласа муру малах барин ба сари сохибкорон равона мекунад. Ин боз як дастгирии сохибкорон меномад. Безор шудем то рузе чунин аст кор карда намешавад. Аз тафтишхои такрор ба такрор безор шудем. Барои кисахои макомотчиён факат кор мекунему халос. Пеш агар як бор тафтиш мешудем холо як холат хам аз тарафи корупция, палатаи хисоби, прокуратура, андози шахри, андози республикави ва гайра. Бо ин тарз бучетро фикр мекунед пур мекунед. Хайр бади горати мардум, ки хама чизашро кашида гирифтед пас чи мекунед? Озодагоооннн!!!

Ҷавоб диҳед Иқтибос Шикоят

Эзоҳ илова кунед