27 июл 2016 16:43Тоҷикистон / Иқтисодӣ / Рӯ ба рӯ / Тема дня

"Данғара" мавқеи “Газпром”-ро тангу сӯзишвориро арзон мекунад? (АКС)

Нахустин марҳилаи корхонаи коркарди нафти ноҳияи Данғара моҳи сентябри соли ҷорӣ фаъол хоҳад шуд.

Сафаралӣ Тайфуров, муовини раиси Минтақаи озоди иқтисодии “Данғара” имрӯз, 27-уми июл дар суҳбат бо хабарнигорон гуфт, корхонаи мазкур калонтарин дар Осиёи Марказӣ хоҳад буд ва барои поин рафтани нархи маҳсулоти нафтӣ дар кишвар мусоидат хоҳад кард.

Дар ҳоле, ки қисми зиёди бозори маҳсулоти нафтии Тоҷикистонро “Газпром” ба ихтиёри худ гирифтааст, Тайфуров мегӯяд, бо фаъол шудани корхонаи нафти Данғара дар бозори сӯзишворӣ рақобати солим бештар мешавад: “Албатта рақобати бештар боиси поин рафтани нархи сӯзишворӣ дар кишвар мегардад”.

Ба гуфтаи Тайфуров корхонаи нафти Данғара бензини навъи Евро 3, Евро 4, сӯзишвории дизелӣ, битуми сохтмонию роҳсозӣ, парафин ва гази моеъро истеҳсол мекунад. Ба иттилои манбаъ, корхона дар марҳилаи аввал 500 ҳазор тонна нафти хомро коркард хоҳад кард: “Дар марҳилаи дуюм иқтидори коркарди нафти хом то 1 миллиону 200 ҳазор тонна ва дар марҳилаи сеюм то 1,5 миллион тонна расонда хоҳад шуд”.

Сафаралӣ Тайфуров иттилоъ дод, ки корхонаи коркарди нафт дар минтақаи озоди иқтисодии “Данғара” бо сармоягузории ширкати “Хелли”-и чинӣ аз ҷониби ҶДММ “Тека Ойл” бунёд гардида, нафти хом барои он аз кони Шибирғони Афғонистон ва Қазоқистону Русия ворид мегардад.

Мӯҳр

Хабарҳои монанд:

Ё НАСИБ!

Ҷавоб диҳед Иқтибос Шикоят

Истаравшан

Бо яке киммат нашавад.

Ҷавоб диҳед Иқтибос Шикоят

Точик

Иншоаллох.Нафти хомаш хам аз худамон шавад Нур Ало Нур мешавад.

Ҷавоб диҳед Иқтибос Шикоят

ук

Хеч бовари нест ки махсулоти хушсифат истехсол кунад. Мисли хамон бензини Балчувон боз набошад.

Ҷавоб диҳед Иқтибос Шикоят

А. Рустам

"Сафаралӣ Тайфуров, муовини раиси Минтақаи озоди иқтисодии “Данғара” имрӯз, 27-уми июл дар суҳбат бо хабарнигорон гуфт, корхонаи мазкур калонтарин дар Осиёи Марказӣ хоҳад буд"

Сухани комилан дуруг аст: Казокистон ва Туркманистону Узбакистон хар кадом чандин полоишгохи нафти доранд, ки то 5 млн. тон иктидор доранд.

Ҷавоб диҳед Иқтибос Шикоят

Кухистони

Ин корхона боз нархи газу нафтро, яъне бензину газу битумро ба осмони хафтум хохад баровард. Чуноне ки дар чумхур нархи цемент то бунёди корхонахои цементбарории дохили баланд набуд, сипас баъди истехсоли цементи дохили, нархи цемент баланд шуду дар хама чо як нарх истодааст. Бинобарин гуфтаниам, ки агар ин завод низ ба кор дарояд ва нархи махсулоташ аз нархи махсулоти дохилшаванда баланд хохад шуд.

Ҷавоб диҳед Иқтибос Шикоят

Эзоҳ илова кунед