19 авг 2016 17:19Тоҷикистон / Иҷтимоӣ / Муҳоҷир / Тема дня

Каромат Шарипов маҳдудияти кор барои муҳоҷиронро таҳқир хонд

Каромат Шарипов, раҳбари Ҷунбиши умумирусиягии “Муҳоҷирони меҳнатии тоҷик” тасмими мақомоти вилояти Новосибирскро барои шаҳрвандони Тоҷикистон таҳқир хондааст.

Владимир Горедский, губернатори вилояти Новосибирск ахиран қароре тасвиб кард, ки бар асоси он муҳоҷирини меҳнатӣ аз ҳаққи фаъолият аз рӯйи як қатор ихтисосҳо маҳрум мешаванд. Аз ҷумла кор дар истироҳатгоҳҳои тобистонаи кӯдакон, боғча, мактабҳо, соҳаи хӯроки кӯдакон ва истеҳсоли ғизоҳои кӯдаконаву маҳсулоти парҳезӣ барои муҳоҷирон мамнӯъ шуда, хориҷиён ҳаққи кор дар нақлиёти мусофиркашонӣ – таксиву автобус ва дигар навъи нақлиёти мусофиркашонро надоранд. Бар илова муҳоҷирон дигар наметавонанд ба ҳайси котиб, муҳаррир, тарҷумон, муҳосиб ва корманди соҳаи молия кор кунанд. Кордеҳон муваззаф шудаанд, ки баъди се моҳи қуваи қонун гирифтани қарор аз хадамоти муҳоҷирон дар соҳаҳои зикршуда худдорӣ намоянд.

Каромат Шарипов дар суҳбат ба РИА Новости гуфтааст, “ин як навъи таҳқир аст”. Ба гуфтаи ӯ, охирҳои соли равон муҳоҷирони меҳнатии тоҷикро рӯзи сиёҳ дар пеш аст: “Дар сурати мавҷуд будани тамоми ҳуҷҷатҳо низ онҳоро гуруҳ гуруҳ депорт мекунанд”.

Шарипов гуфтааст, тасмими мақомоти Новосибирск ба худи минтақа ҳам таъсири манфӣ мерасонад: “Ман тақрибан медонам, ки наздики 80 дарсади муҳоҷирони меҳнатии ин минтақа тоҷикон ҳастанд. Онҳоро бо кӣ иваз мекунанд? Кор кардан лозим аст-ку?”

Аммо ӯ гуфтааст, аз қарори губернатор на ба мақомоти Русия ва на ба мақомоти Тоҷикистон шикоят намебарад, зеро “садҳо муроҷиатнома бидуни ҷавоб мондаанд”.

Мӯҳр

Хабарҳои монанд:

мехмон

Каромат Шарипов ачоиб эътироз мекунед ? Русхо дар ватани худ хастанд ва интереси шахрвандони худро химоя мекунанд ! Депутатхои махалли , нохияви ва вилоятиву минтакави ин масъаларо мебинанду конуни тааллук ба Новосибирскро мебароранд.
Маъкул нест ба Ватани бобоии худ баргардеду шароити худро бехтар намоед. Намедонам Шумо умуман чи мехохед ? Дар калисои Масехи конуни масчидро чори карданиед ? Ё русхоро мачбур карданиед моро хамчун як одамони даркори ба чомеаи худ кабул кунанд ?
Боз навиштаед ки точикон кор накунанд ки кор мекунад ? Хандаовар !! О ин мушкили онхо ( русхо) , шумо чи безобита шудед?
Ин кадар дилсузи миллат хастед ба Точикистон рафта ягон ислохот ё навовари кунед ки миллати мо зори мухочират нашаванд.

Ҷавоб диҳед Иқтибос Шикоят

Саид

мехмон,
Банда бо шумо хамфикрам ,ой онкадар конундону хаки хаки халол талаб кардан аз дастатон биёяд. Мархамат бо ватани бобоги демократия астку.
То ба кай бо гадоги руз мегузаронед!?

Ҷавоб диҳед Иқтибос Шикоят

Эзоҳ илова кунед