Бахшҳо

Муҳоҷирзодаҳои зиёди синфи 1-ум дар Русия баҳсбарангез шуд (АКС)

Нашри рӯйхати хонандагони синфи 1-и мактаби таҳсилоти умумии №3-и ноҳияи Котелники назди Маскав дар интернет баҳси гарми миллатгароҳои русро барангехтааст.

Бисёри корбарони руси шабакаҳои иҷтимоӣ аз он изҳори нигаронӣ намудаанд, ки қисми зиёди хонандагони синфи якумро ғайрирусҳо ташкил кардаанд. Ин феҳраст тайи ҳамагӣ чанд соат ба бисёри расонаҳои интернетӣ блогҳои маъруф роҳ ёфт ва номҳои Ҳабиба, Малика, Идрис, Юсуфҷон, Муҳаммадёр, Бекхудо дар ин рӯйхат норозигии миллатгароёнаи корбаронро ба миён овардааст.

Афроде, ки дар шабакаҳо мавқеъгирии миллатгароёнаро ҷонибдорӣ накарда, аз ҳуқуқи таҳсили фарзандони муҳоҷирон ҳимоят кардаанд, мавриди интиқод қарор гирифтаанд. Аз ҷумла Митя Алешков, роҳбари портали “Такие дела” изҳор доштааст, ки фарзандони муҳоҷирин низ мисли дигар кӯдакон ҳаққи таҳсилро доранд: “Нафароне, ки аз таҳсили фарзандони муҳоҷирин дар мактабҳо хашмгин мешаванд- ҳайвонанд ва ин барои кишвар ва ҷамъияти мо шармовар аст”. Дар ҳимоят аз навиштаҳои Алешков корбари дигар Маша Слоним як тифли тоҷик бо номи Муҳаммадро мисол оварда, афзудааст: “Вақте Муҳаммад 7-сола буду ба пеши мо омад забони русиро намедонист, аммо дар як сол забонро омӯхт ва ба мактаби ҳамсоя дохил шуд ва ҳоло бо баҳои 4 ва 5 мехонад”.

Баъзе аз корбарон иддао доранд, ки нашри феҳрасти мазкур, ки аксарашро хонандагони синфи 1-и ғайрирус ташкил медиҳад, махсус сурат гирифтааст, зеро дар рӯйхати дигар синфҳо номҳои ғайрирусӣ камтаранд: “Муайян нест, ки чаро дар як синф бисёртар фарзандони муҳоҷиронро ҷамъ кардаанд. Кӯдакон бояд омӯзанд, вале онҳоро бояд дуруст тақсимбандӣ кард”.

Бархе аз он изҳори норозигӣ кардаанд, ки аксари фарзандони муҳоҷиронро дар синфи алоҳида ҷой кардаанд ва таъкид намудаанд, ки дар сурати омехта кардани фарзандони муҳоҷирону сокинони маҳаллӣ ҳамдигарфаҳмию ҳамгироии онҳо беҳтар хоҳад буд.

Ин баҳс дар ҳолест, ки соли 2013 низ сокинони Котелники назди Маскав бо ирсоли як номаи дастаҷамъӣ ба Владимир Путин аз зиёдшавии муҳоҷирон аз Тоҷикистон, Узбакистон, Қирғизистон ва Ветнаму Чин дар маҳалли зисташон шикоят карда буданд. Далели нисбатан зиёд будани теъдоди муҳоҷирон дар ин минтақа наздикияш ба бозори “Садовод” арзёбӣ мешавад.


Муҳоҷирзодаҳои зиёди синфи 1-ум дар Русия баҳсбарангез шуд (АКС)
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)