05 сен 2016 17:25Тоҷикистон / Сиёсат / Дидгоҳи хос

Мактуби Муҳиддин Кабирӣ ба СММ, САҲА ва Иттиҳоди Аврупо

Муҳиддин Кабирӣ, раиси ҳизби фаъолияташ дар Тоҷикистон мамнӯи наҳзати исломӣ аз СММ, САҲА ва Иттиҳодияи Аврупо хостааст, қазияи Ҷамшед ва Бузургмеҳр Ёровҳо, адвокатҳои боздоштшудаи тоҷикро пайгирӣ кунанд. Дар ин бора торнамоҳои марбут ба ҲНИТ хабар додаанд.

Ба иттилои манбаъ, Кабирӣ бо ирсоли номае унвонии Девид Кэй, гузоришгари вижаи СММ, Франк Валтер Штайнмайер, вазири умури хориҷии Олмон ва ҳамзамон раиси амалкунандаи САҲА ва Федерика Могрини, маъули сиёсати хориҷии Иттиҳодияи Аврупо гуфтааст: “Вазъи зиндониёни сиёсӣ дар Тоҷикистон мисли пешин ҳамоно нигаронкунанда буда, ҳукумати Тоҷикистон фишор болои хонавода ва вакилони онҳоро бештар кардааст”.раҳбарони ин созмонҳои бонуфузи байналмилалӣ гуфтааст: “Вазъи зиндониёни сиёсӣ дар Тоҷикистон мисли пешин ҳамоно нигаронкунанда буда, ҳукумати Тоҷикистон фишор болои хонавода ва вакилони онҳоро бештар кардааст”.

Дар идомаи нома таъкид шудааст, ки “Ҷамшед Ёров бародари вакили ҳабсшудаи аъзоёни ҲНИТ буда, танҳо ба хотири ҳимоят аз маҳбусини сиёсӣ дучори туҳмат ва зиндон гашт. Бо ҳабс кардани ӯ, ҳукумат ба ҳамаи вакилони кишвар паёми ошкор фиристод, ки ҳимояти ҳуқуқӣ аз зиндониёни сиёсӣ барои озодии онҳо хатарнок аст”.

Ӯ дар охир хостори талош барои раҳойи Бузургмеҳру Ҷамшед Ёровҳо шудааст.

Бузургмеҳр Ёров 28 сентябри соли 2015 баъди эълони азмаш дар бораи таъсиси Кумитаи дифоъ аз аъзои дастгиршудаи Ҳизби мамнӯи наҳзати исломии Тоҷикистон аз сӯи мақомоти интизомии кишвар боздошт шуд. Баъдан, Вазорати умури дохилӣ эълон кард, ӯ дар “қаллобӣ” ва “сохтакорӣ” муттаҳам мешавад.

Бародари ӯ – Ҷамшед моҳи августи соли равон дастгир шуда, 26 август барои ду моҳ ба ҳабси пешакӣ гирифта шуд. Ба иттилои наздиконаш нисбати вай бо дастрасии моддаи 311 қисми 1 ифшои маълумоти дорои сирри давлатӣ аз ҷониби шахсе, ки ин маълумот ба ў бовар карда шудааст ё вобаста ба хизмат ё кор ба ў маълум гардидааст, агар ин маълумот дастраси дигар шахсон шуда, дар ин кирдори ў нишонаҳои хиёнат ба давлат мавҷуд набошад) парванда боз шудааст.

Номаи Муҳиддин Кабирӣ бо дархости расидагӣ ба қазияи Ёровҳо дар ҳолест, ки ахиран Пулиси байналмилалӣ ё Интерпол худи ӯро расман мавриди пайгард қарор дод.

Мӯҳр

Хабарҳои монанд: