22 сен 2016 10:20Тоҷикистон / Сиёсат / Рӯ ба рӯ / Тема дня

Намояндаи ҳукумат гуфт, бархе наҳзатиҳоро ҳукумат не, худашон худро террорист эълон кардаанд (ВИДЕО)

Намояндагони ҳукумати Тоҷикистон дар ҷаласаи Созмони амнияту ҳамкории Аврупо, ки феълан дар Варшава ҷараён дорад, изҳор доштанд, ки бархе аз аъзои собиқ Ҳизби наҳзати исломии Тоҷикистон худашон худро террорист эълон кардаанду дар хориҷ паноҳ бурдаанд.

Дар ҷаласаи САҲА, ки 21-уми июл баргузор шуд, дар посух ба иддаои бархе аз мухолифини тоҷик, ки гӯиё дар Ватан дигарандешон бо иттиҳоми терроризму экстремизм мавриди таъқиб қарор мегиранд, намояндаи ҳукумати Тоҷикистон гуфт: “Ин ҷо бархе одамоне ҳузур доранд, ки аз ҳуқуқҳояшон сӯиистифода мекунанд. Худашон худро террорист эълон кардаанду даъво доранд, ки ҳукумати Тоҷикистон онҳоро таъқиб мекунад. Масалан, ҷаноби Илҳомҷон Яъқубов дар феҳрасти мо нест”.

Илҳомҷон Яъқубов, ки дар гузашта роҳбарии ҲНИТ дар Суғдро ба уҳда дошт, дар посух ба ин иттилоъ гуфт, аксҳояш дар шаҳри Хуҷанд паҳн шудаанду ҳамчун террорист мавриди кофтукоб эълон шудааст.

Тибқи иттилои иштирокдорони ҳамоиши САҲА Зариф Ализода, омбудсмени тоҷик низ дар ҷаласа бепоя будани таъқиби мухолифинро дар Тоҷикистон таъкид карда, дар мавриди ҲНИТ изҳор доштааст, ки ин ҳизб қасди табаддулоти давлатӣ кард. Зимни ин ҳамоиш Дидбони ҳуқуқи башар инчунин филми мустанаде пешниҳод кардааст, ки аз таъқиби мухолифин дар Ватану берун аз он қисса мекунад. Аммо мақомоти тоҷик ва намояндагони ҳукумат дар Варшава иддаои эътирозгаронро дар бораи таъқиб бо ангезаҳои сиёсӣ беасос хонданд.

Қаблан як гуруҳ ҷавонони тоҷик, ки худро мухолифини ҳукумати Тоҷикистон мегӯянд, 19-уми сентябр вориди толоре шуданд, ки он ҷо ҷаласаи Созмони амнияту ҳамкории Аврупо дар мавзӯи демократия ва ҳуқуқу озодиҳои инсон бо иштироки мансабдорону намояндагони ҷомеаи шаҳрвандии тоҷик ҷараён дошт. Дар доираи ин ҳамоиш эътирозгарон дар хитоб ба Зариф Ализода изҳор доштанд, ки ғурбаташон ихтиёрӣ несту хоҳони бозгашт ба Ватан мебошанд ва барои ин бояд риояи ҳуқуқи инсон дар кишвар таъмин бошад. Дар посух омбудсмени тоҷик изҳор дошт, ки сафараш ба Варшава ду ҳафта давом мекунад ва ваъда дод, ки тайи ин муддат бо эътирозгарон суҳбати муфассал хоҳад дошт.

Мӯҳр

Хабарҳои монанд:

Держитесь братья. Поени шаби сиех сафед аст.

Ҷавоб диҳед Иқтибос Шикоят

Юсуф

Аҷиб аст, ки омбудсмен тарафи ҳукуматро мегирад. Мо медонем Зайд Саидовро чи гуна дастгир карда буданд. У ҳам "ман гуноҳ надорам" гӯён аз сафари хизматӣ аз Париж баргашт. Вале ҳануз то хонааш нарасида, дар фурудгоҳ "бардоштанаш". Ин сафсата аст, ки "бархе наҳзатиҳо худашон худашона террорист эълон кардаанд". Агар ҳамунҳо бовар карда, баргарданд, то хонаашон намерасанд.

Ҷавоб диҳед Иқтибос Шикоят

Аскар

Ба 1 цифра ахамият дихед: 19 сентябр! Ин "мусичахои бегунох", ки даъвои адолат доранд, махз дар хамин рузу хамин мох ба ЧТ хамла мекунанд. 19уми сентябри соли 2010 аъзоёни ХНИТ (Алии бедаки, Мулло Абдулло ва аъзоёнашон) 28 сарбози сарсупурдаи точикро вахшиёна ба катл расониданд!! 4-уми сентябри соли 2015 14 нафар корманди макомотро катл карда, табаддулоти давлати кардани буданд. 19-уми сентябри 2016 боз зидди Точикистон дар Варшава тазохуро карданд.. Боз инхо бегунох!!! Ё ман девонаам ё хамин мусичахо!

Ҷавоб диҳед Иқтибос Шикоят

Эзоҳ илова кунед