05 окт 2016 08:38Тоҷикистон / Сиёсат

Эмомалӣ Раҳмон: Рӯзи забон падидаи таърихии замони истиқлол аст

Эмомалӣ Раҳмон, раисиҷумҳури Тоҷикистон зимни ироаи як паёми табрикии телевизионӣ ба ифтихори Рӯзи забон, ки дар Тоҷикистон чанд соли ахир 5 октябр таҷлил мешавад, забони давлатиро муҳимтарин рамзи истиқлоли давлативу сиёсӣ хонд.

То чанд соли пеш, Рӯзи забон дар Тоҷикистон 22 июл, мусодиф ба қабули қонун дар бораи забон аз тарафи Шӯрои Олии Ҷумҳурии Шӯравии Сотсиалистии Тоҷикистон, таҷлил мегардид. Аммо Эмомалӣ Раҳмон Рӯзи забони давлатиро яке аз падидаҳои таърихии замони истиқлол номид. Ӯ гуфт, “маҳз истиқлолияти забонӣ пояи истиқлолхоҳии кишварамонро ташкил медиҳад”.

Президенти Тоҷикистон дар идома таъкид кард, дар даврони истиқлоли давлатӣ забони шевое, ки бо он аз қофиласолори адабиёти тоҷику форс Абӯабдуллоҳи Рӯдакӣ то бунёдгузори адабиёти навини тоҷик – Қаҳрамони Тоҷикистон Садриддин Айнӣ ва адибону олимони муосир осори гаронбаҳои илмиву адабӣ эҷод намудаанд, ба маснади волои худ нишаста, муаррификунандаи ҳақиқии соҳибони худ – миллати тоҷик дар ҷаҳони муосир гардид.

Дар паёми табрикии худ Эмомалӣ Раҳмон ба тозаву ғанӣ гардондани таркиби луғавии забон даъват кард. Дар ин замина аз нақши муассири расонаҳо ёдрас шуд ва ва таъкид намуд, дар ин кор саҳми воситаҳои ахбори омма бояд назаррас бошад ва масъулони он ба покизагии забон бештар таваҷҷуҳ зоҳир намоянд, зеро воситаҳои ахбори омма оинаи пурҷилои забони миллӣ маҳсуб меёбанд.

Мӯҳр

Хабарҳои монанд:

чавонони Рушон

Илохо то чахон боша ту боши Замину
осмон боша ту боши Замину осмон бошад
саломат Дуогуят кунам то рузи киёмат
Мухтарам чаноби оли Шуморо ба муносибати рузи забон ва зодрузатон муборак бод гуфта ба Шумо саломати умри дароз ва чи нияте ки дар калб дошта бошед амали хохад кард, 1000 сола шавен ШохиТочикиони чахон!

Ҷавоб диҳед Иқтибос Шикоят

Нидои ниёкон

Ин забон ёдгоре аз гузаштагони номдори мо аз Зартушт то устод Айни аст ва хеч боди мухолифе натавонист ин дарахти тановарро ки гохе дари ва форси ва точикияш мегуем аз чо барканад на араби гаддор, на мугули хунхор ва на дигару дигараш. Албатта дар замони Зартушту Испотамон ин забон ба ин шаклаш набуда аммо хеле монанди дошта.. Бинобар ин аз Самарканду Бухоро то Кулобу Хучанду Бадахшон ва Хироту Кобул ва дигар сарзаминхои точикнишин вазифа доранд то ин гавхари тобноки ниёконро пос бидоранд ва албатта Рахмонро рахбари маънавии худ бипиндоранд. Дар хамин хол аст ки мо метавонем бар душманонамон пируз бошем. Чахонбинии араб барои араб чахонбинии турку мугул барои турку мугул ва чахоннигарии точики барои точикон бошаду осудаву ором зиндаги кунем дар руи ин кураи хоки

Ҷавоб диҳед Иқтибос Шикоят

Эзоҳ илова кунед