03 ноя 2016 12:10Оcиёи Марказӣ / Тоҷикистон
Султони Ҳамад: "Марзбонҳои ӯзбекистонӣ бо забони тоҷикӣ моро хайра мақдам гуфтанд" (АКС)
Ӯ дар сафҳаи фейсбукияш навиштааст, ки дарёфти раводиди сафар ба ин кишвар чандон тӯл накашид: “Сафорати Ҷумҳурии Ӯзбекистон дар Душанбе дар зарфи камтар аз як ҳафта баъди гирифтани даъватнома аз Самарқанд раводиди сафарро ба шиносномаҳои хориҷии мо муҳр зад. Воқеан, нархи раводиди Ӯзбекистон дар муқоиса бо нархи визаи яке аз кишварҳои дигари ҳамсояи мо ба маротиб арзонтар будааст. Дар ҳамин ҳол ба он ашхоси мусофире, ки бо меъёрҳои собиқ шӯравӣ дар синну соли нафақагирӣ ҳастанд, раводиди Ӯзбекистон ройгон дода мешавад”.
Султони Ҳамад мегӯяд, баъди гирифтани раводид 24-уми октябри 2016 ба нияти убури марзи Тоҷикистону Узбакистон тариқи гузаргоҳи сарҳадии “Дӯстӣ” озими Регар шуданд: “Муносибати марзбонон ва кормандони гумруки ҳарду кишвар бо ҳайати мо ва умуман бо ҳама мусофироне, ки нияти аз сарҳад гузаштанро доштанд, хеле хуб ва самимона буд. Махсусан, бо забони зебои тоҷикӣ ҳарф задану мусофиронро хайра мақдам гуфтани марзбонҳо ва гумрукчиёни ӯзбекистонӣ ғайричашмдошт бароямон гуворо буд. Ин ҳама манзара баръакси шунидаҳои қаблии мо дар бораи тарзи муомилаи марзбонҳо ва гумрукчиёни ӯзбекистонӣ бо мусофирони тоҷик ҳини убури сарҳад дар гузашта буд. Вале бо ин суханҳо мо шикоятҳои қаблии ҳамватанони раҳгузарамонро зери шубҳа монданӣ нестем. Шояд ҳақ ба ҷониби онҳо низ бошад. Вале он чиро имрӯз мо дар марзи Тоҷикистону Ӯзбекистон бо чашми сар дидем, онро гуфтем”.
Пажуҳишгари тоҷик илова намуд, ки ин гуна лаҳзаҳои дилшодкунандаро дар тӯли сафари худ ба Узбакистон борҳо шоҳид шуд: “Ҳоло ҳаминро гуфтанием, ки дар муддати як ҳафтаи сафар тақрибан аксари ёдгориҳои таърихиву мақбараҳои бузургону маконҳои муқаддаси Самарқанду Бухороро дидему бо баъзе аз шахсиятҳои шинохтаи адабиёту фарҳанг, синамо ин шаҳрҳои бостонӣ мулоқотҳои ҷолиб кардем”.
Муносиботи хуби мардуму масъулини Узбакистон дар ҳолест, ки ахиран Ҷӯрабек Мурод, ҳунарманди мардумии Иттиҳоди Шӯравӣ низ дар пайи сафараш ба Узбакистон гуфт, муносибот тағйир ёфтаанд. Ӯ изҳор дошт, ки бозпурсиҳо дар марз камтар шудаанд ва мардуму масъулини ду кишвар муштоқи беҳбуди муносибот ва рафтуомади бештаранд.
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
