05 ноя 2016 11:02Тоҷикистон / Сиёсат

Таъкиди Э.Раҳмон ба кафолати ҳуқуқи шахс ба гуногунандешӣ, озодии сухан ва виҷдон дар Сарқонун

Эмомалӣ Раҳмон, раисиҷумҳури Тоҷикистон дар паёми телевизионие сокинони кишварро ба Рӯзи Конститутсия, ки 6 ноябр таҷлил мешавад, табрик намуд.

Президент дар ин паём аз ҷумла таъкид намуд, дар Конститутсия таъмини соҳибихтиёрӣ, истиқлолият ва тамомияти арзии Тоҷикистон вазифаи асосии давлат эълон шуда, дар айни замон ба хотири ҳимояи ин арзишҳои конститутсионӣ ва ташаккули муназзаму муътадили давлати навини тоҷикон тағйирнопазир будани шакли идораи кишвар, тамомияти арзӣ, моҳияти демок-ратӣ, ҳуқуқбунёдӣ, дунявӣ ва иҷтимоии давлат аз ҷумлаи мақсадҳои бунёдии Конститутсия эътироф гардид: “Аҳамияти таърихии Конститутсия, пеш аз ҳама, дар он ифода мегардад, ки ин санади сарнавиштсоз барои таъмини сулҳу субот ва ваҳдати миллӣ замина гузошт ва омили асосии кафолати устуво¬рии ҳаёти сиёсии ҷомеаи Тоҷикистон гардид”.

Ба гуфтаи Эмомалӣ Раҳмон, Конститутсияи Тоҷикистон хусусияти миллӣ дорад, зеро бо иродаи мардум қабул гардида, дар он суннатҳои таърихии давлатдорӣ ва ғояҳои инсондӯс¬тонаи халқи фарҳангсолори тоҷик¬ инъикос ёфтаанд: “Мо дар сатҳи Конститутсия ба ҷомеаи ҷаҳон эълон доштем, ки халқи Тоҷикистон озодӣ ва ҳуқуқи шахсро арзиши олӣ шуморида, баробарҳуқуқӣ ва дӯстии тамоми миллату халқиятҳоро эътироф мекунад ва ҷонибдори бунёди ҷомеаи адолатпарвар мебошад. Ҳамчунин, дар Конститутсия таъмини волоияти қонун ва тартиботи ҳуқуқӣ мақсади фаъолияти тамоми шохаҳои ҳокимияти давлатӣ қарор дода шуд. Халқи Тоҷикистон бори нахуст баёнгари соҳибихтиёрӣ ва сарчашмаи ягонаи ҳокимияти давлатӣ эълон гардида, кафолати ҳуқуқи шахс ба гуногунандешӣ, озодии сухан ва виҷдон муқаррар гардид”.

Сарқонуни Тоҷикистони мустақил 6 ноябри соли 1994 қабул гардида, давоми 22 сол се маротиба ба он тағйиру иловаҳо ворид гардидааст. Бори охир 22 майи соли равон дар робита ба тағйиру иловаҳо ба он раъйпурсӣ баргузор шуд. Аз 35 ба 30 поин бурдани синни номзад ба мақоми раёсатҷумҳурӣ ва ба Эмомалӣ Раҳмон додани ҳаққи бемаҳдуд барои пешниҳоди номзадиаш ба президентӣ аз муҳимтарин нуктаҳои ин тағйиру иловаҳо буданд.

Мӯҳр

Хабарҳои монанд: