Пешниҳод ба олимони тоҷик: Ба нусфар назарногирона муносибат накунед!
Як донишманди тоҷик мегӯяд, дар Тоҷикистон бояд ба парвариши рустании нусфар ё сафлор аҳамияти вижа дода шавад.
Мизроб Амирбеков, мутахассиси бахши кишоварзӣ иддао дорад, хусусияти ин рустанӣ имкон медиҳад, ки Тоҷикистон дар бахши кишоварзӣ, саноат ва тиб пешрафти назаррасе дошта бошад.
Ӯ дар суҳбат ба “Озодагон” гуфт, ҳоло муносибати олимони тоҷик нисбати ин зироат назарногирона мебошад: “Мувофиқи фаҳмиши доштаам ва бардоштҳоям аз суҳбати олимони кишоварзӣ хусусиёти исботгаштаи растании нусфарро барои хулосаи олимони соҳаи иқтисод, тандурустӣ ва инчунини барои мутахассисони Вазорати кишоварзӣ, Вазорати саноат ва технологияҳои нав ва Вазорати тандурустӣ ва ҳифзи иҷтимоии аҳолӣ пешниҳод менамоям".
Амирбеков гуфт, дар ин замина ду пешниҳод дорад: "Якум. Мутахассисони касбии Вазорати кишоварзии ҷумҳурӣ хусусиёти ин растаниро хуб мефаҳманд ва танҳо барояшон ёдрас мешавам, ки нусфар дар заминҳои лалмӣ хуб мерӯяд, обро кам талаб доранд, нисбати ғизонокии замин талаботи зиёд надоранд ва дараҷаи равғаннокиашон баробари 25 фоиз мебошанд. Пас савол инҷост, ки чаро майдони кишти нусфарро аз рӯи захираҳои замини доштаамон, ки дар шароити ноҳияҳои мувофиқи водии Рашт ва вилояти Хатлон хело бисёранд, зиёд намесозем?
Дуввум. Пешниҳодам барои Вазорати саноат ва технологияҳои нави Ҷумҳурии Тоҷикистон сари он аст, ки агар имрӯз мо дар шароити ҷумҳуриамон ғайри равғани пахта дар шакли васеъ дигар хел равған истеҳсол надорем, умуман саноати истеҳсоли рангро аз растании ватанӣ таҷриба накардаем, дар саноати пухту паз равғани растании истеҳсоли хориҷиро ба таври васеъ истифода месозем ва худиро қариб надорем, пас чаро аз ин растании равғандиҳанда дар дохили ҷумҳуриамон истифода наменамоем? Дар навбати дигар растании нусфар ашёи асосии истеҳсоли олиф, лак, ранг, линолеум ва истеҳсоли собун ҳисоб меёбанд ва чаро мо аз ин растанӣ мувофиқи захира ва имконотҳои доштаамон дар саноати Ҷумҳурии Тоҷикистон истифода намесозем?”
Мизроб Амирбеков мегӯяд, рустании мазкур дар бахши тиб ҳам метавонад хеле муҳим бошад. Ӯ дар ин робита афзуд, нусфарро мешавад дар саноати истеҳсоли дорувории касалиҳои дил, паст кардани дараҷаи қанд дар хун, дорувориҳои табобати артрит, табобати системаи асаб, табобати простата, саратони рӯда, касалиҳои ҷигар ва псориаз, гастрит, захми меъда, малҳам барои пӯст ва тухми онро ҳамчун воситаи тазакунандаи хун ва табобати дигару дигар касалиҳо истифода истифода намуд: “Институти иқтисодиёти кишоварзии Тоҷикистон бояд захираҳои зиёди замини мавҷудаи водии Рашт ва вилояти Хатлонро аз рӯи дараҷаи мувофиқат нисбати ҷойгиркунонии кишти растании нусфар таҳлил ва хулосабарорӣ намояд ва аз рӯи имконоти дараҷаи истеҳсоли растании нусфар дар Тоҷикистон баҳри саноатикунонии истеҳсоли равған, масолеҳи рангубор ва дорувориҳо барои вазоратҳои дахлдор мусоидат намоянд”.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |