25 ноя 2016 17:20Тоҷикистон / Иҷтимоӣ

Иттифоқи истеъмолгарон таъмини воқеии мардум бо барқро санҷид

Иттифоқи истеъмолгарони Тоҷикистон мегӯяд, шабонрӯзи гузашта, ки кишварро сардӣ фаро гирифтааст, мардуми навоҳӣ 6-8 соат барқ мегиранд.

Тибқи мониторинги Иттифоқи истеъмолгарон, ки 24-уми ноябр гузаронда шудааст, сокинони ноҳияи Файзобод-8 соат, Ҳисор-8, Лахш-24, Рашт-8, Нуробод-6, Рашт-8, Рӯдакӣ-7, Шаҳринав-7,30, Сангвор-7, Тоҷикобод-7, Турсунзода-24, Ваҳдат-7 ва Варзоб 24 соат барқ гирифтаанд.

Ба иттилои манбаъ дар вилояти Суғд мардуми ноҳияи Айнӣ-7, Ашт-13 соату 10 дақиқа, Бобоҷон Ғаффуров-7 соату 30 дақиқа Ғончӣ-7 соату 25 дақиқа, Исфара-8, Истаравшан-13, Ҷаббор Расулов-8, Конибодом-8 соату 50 дақиқа, Мастчоҳи куҳӣ-8 соату 30 дақиқа, Панҷакет-7 соат, Шаҳристон 5 соату 30 дақиқа, Спитамен-6 соат, Зафаробод-6 соат ва шаҳри Бӯстон 18 соат бо барқ таъмин будаанд: “Дар Хатлон ноҳияи Балҷувон-8, Бохтар-9 соат, Фархор-10, Дӯстӣ-7, Ҷомӣ-7 , Ховалинг-7 соат, Хуросон-7, Муъминобод-8, Норак-24, Носири Хисрав-8, Панҷ-6, Қумсангир-7, Ҷалолиддини Румӣ-7, Сарбанд-24, Шаҳритус-6,30, Вахш-7,30, Восеъ-8 ва Ёвон 10 соат барқ гирифтааст”.

Дар ВМКб ба ғайр аз сокинони Мурғоб, ки 8-соат барқ мегиранд, боқимонда 24 соат бо барқ таъмин мебошанд.

Ширкати “Барқи тоҷик” 1-уми ноябр бо далели сардӣ ва коҳиши оби дарёи Вахш маҳдудияти интиқоли барқро ҷорӣ кард.

Нозирҷон Ёдгорӣ, сухангӯи “Барқи тоҷик” гуфт, ҳар шабонарӯз дар кишвар 35-38 миллион киловатт-соат энергияи барқ истеҳсол мегардад, ки он ба тамоми шаҳр, вилоят ва ноҳияҳои тобеи марказ, вобаста ба шумораи аҳолӣ ва ҳаҷми истеҳсолот тақсим мешавад. Ӯ дақиқ нагуфт, ки мардуми навоҳӣ дар як шабонарӯз чанд соат барқ мегиранд ва афзуд, ки ин дар салоҳияти мақомоти маҳаллӣ аст.

Мӯҳр

Хабарҳои монанд:

Усмон

Пешвор милат дар як суханронии худ гуфта буданд ки имсол сокинони кишвар 14 соат бо барк таъмин карда шаван.

Ҷавоб диҳед Иқтибос Шикоят

Насим

дар кисмати болои нохияи Ванч рузи 24 уми ноябр тамомон барк набуд...

Ҷавоб диҳед Иқтибос Шикоят

Барзу

Хайр, фахмо, ки ба шахоу нохияхои чумхури барк намерасад. О, чаро дар худуди ш.Душанбе мунтазам барк хомуш мегардад? Итттифоки истеъмолкунандагон чаро аз номи ахоли ин Барки точикро ба суд намекашад? Ин барчихо пула чинда, ягон масъулиятро хис намекунанд, чунки касе онхоро ба чавобгари намекашад. МАрдум гаргангу гул, инхо дар маишат...

Ҷавоб диҳед Иқтибос Шикоят

Зоири С

Дуруги махз мебошад, зеро сокинони чамоатхои шахри Панчакент ягон вакт (аз саршавии лимт 15.10.2016)хафт соат барк нагирифтаанд, аз се то чор соат барк мегиранд ва он хам бошад дар кадом вакте бошад мпасъулини барк медиханд!!!

Ҷавоб диҳед Иқтибос Шикоят

Эзоҳ илова кунед