14 дек 2016 11:43Тоҷикистон / Иҷтимоӣ

“Барқи тоҷик”: Ба сокинон 12 соат барқ дода мешавад

“Барқи тоҷик” реҷабандии маҳдудияти барқ ба навоҳии кишварро давоми як ҳафтаи охир то панҷ соат камтар кардааст.

Дафтари матбуоти ширкати “Барқи тоҷик” мегӯяд, шурӯъ аз имрӯз, 14 декабр ба тамоми минтақаҳои кишвар, ки дар ҳоли маҳдудият барқ мегиранд, 12 соат барқ дода мешавад: “Ба ҳама минтақаҳои кишвар аз соати 05:00 то 11:00 ва бегоҳӣ аз соати 16:00 то 22:00 барқ дода мешавад”.

Манбаъ мегӯяд, барои риояи ҳатмии ин ҷадвал роҳбарони ҳамаи шабакаҳои барқӣ аз ҷониби раиси ширкати “Барқи тоҷик” супориши мушаххас гирифтаанд ва соатҳое, ки бо сабабҳои техникӣ, аз ҷумла рӯй додани садамаҳо, муштариён барқ намегиранд, баъди аз байн бурдани садама дар дохили ҳамон шабонарӯз миқдори соатҳои барқи нагирифтаашон ҷуброн мегардад.

Давоми ҳафтаи охир ин маротибаи сеюм аст, ки маҳдудият ё “лимит”-и барқ кам карда мешавад. 10 декабр “Барқи тоҷик” эълон кард, дар пайи дастури Эмомалӣ Раҳмон, Президенти кишвар “лимит”-ро то се соат кам мекунад. Дафтари матбуоти “Барқи тоҷик” рӯзи 12 декабр аз зиёд кардани як соат неруи барқ хабар дод.

Масъулини ин ниҳод мегӯянд, рӯзи 22 декабр, ки паёми солонаи Эмомалӣ Раҳмон ба парлумон ироа мегардад ва он тавассути телевизионҳои давлатӣ мустақиман пахш мегардад, аз соати 6-и субҳ то 14-и баъд аз зуҳр ба аҳолӣ барқ дода мешавад.

Дар зимн, “Барқи тоҷик” аз муштариён даъват кардааст, ки барқро сарфакорона истифода бурда, ҳаққи истифодаи онро сари вақт пардохт намоянд ва оид ба риоя нашудани таъминоти барқ ва садамаҳо бо шумораҳои 235-86-74, 235-86-60, 235 86 84 ва 610-60-50 ба ин ниҳод хабар бидиҳанд.

Мӯҳр

Хабарҳои монанд:

Факир

Хаминаш ба хам шукр Барки Точик лекин хами ракамхое ки гуфтед вакти барк хомуш шудан занг мезани чавоб намедиханд.Хуб мешуд ракамхои дастии хамун раиса мемондед бисьёр хурсанд мешудем.

Ҷавоб диҳед Иқтибос Шикоят

хакикат

Аз ин гуфтахои Барки Точик дар шахри Панчакент нишоне нест. Речаи барктаксимкуни умуман риоя намешава.

Ҷавоб диҳед Иқтибос Шикоят

Шохрух

Ин реча дар дехахои Панчакент риоя намешавад. Дар вакти зарури барк нест да соати 12и шаб барк метияд. Мо шаба аз руз фарк карда наметонем

Ҷавоб диҳед Иқтибос Шикоят

чавбгу

Факир,
Ин ракамхои раис нест балки ракамхои гурухи кормандони навбатдори БТ аст. Дар сурати шикояти Шумо инхо ба ШБ-и нохия (горэлектросеть)-и нохияи Шумо занг мезананд то ки мушкили шуморо хал кунанд.
Худо гуед хаво гарм шавад. Оби дарёи вахш зиёд шавад. Ин ба зиёд шудани истехсоли энергия оварда мерасонад ва шумохам баркро зиёд мегиред.

Ҷавоб диҳед Иқтибос Шикоят

самад

бехтарин худованд точикистона хамеша гулгулшукуфон нигах дорад

Ҷавоб диҳед Иқтибос Шикоят

Эзоҳ илова кунед