18 янв 2017 09:35Тоҷикистон / Тема дня

Раиси Кумита чанг атрофи Маркази гармидиҳиро шарҳ дод

Хайрулло Ибодзода, раиси Кумитаи ҳифзи муҳити зисти Тоҷикистон шикояти қаблии сокинон аз чанг атрофи Маркази барқу гармидиҳии дуюми шаҳри Душанберо шарҳ дод.

Ӯ 17-уми январ зимни нишасти хабарӣ дар Душанбе гуфт, феълан сокинон дар мавриди фаъолияти Маркази барқу гармидиҳии дуюм, ки бо ангишт кор мекунад, ҳеч шикояте надоранд.

Раиси Кумитаи ҳифзи муҳити зист чанги қаблӣ атрофи Маркази гармидиҳиро ба носозии техникӣ рабт дод: “Буданд ҳолатҳое, ки вақте филтрҳо аз кор баромаданд, ҳамин проблема ҷо дошт. Ин ҳолат ҳамагӣ ҳафт соат давом карда буд”.

Ба гуфтаи Ибодзода баъди оғози фаъолияти Маркази барқу гармидиҳӣ аз ҷониби Маркази таҳлилӣ ва назоратии Кумита ва Агентии обуҳавошиносӣ ду дастгоҳи лаборатории замонавӣ харидорӣ шудаанд: “Ҳар даҳрӯза дар гирди марказ ва гирду атрофи Душанбе ченкуниҳо гузаронида мешаванд, нишондодҳои дастгоҳҳо аз меъёр зиёд намебошанд”.

Қаблан бархе коршиносон ва сокинон алайҳи фаъолсозии Маркази барқу гармидиҳии дуюми Душанбе дар маркази пойтахт изҳорот дода, таъкид намуданд, ки метавонад муҳити зисти шаҳрро ифлос гардонад, зеро бо ангишт фаъолият мекунад. Аммо масъулини Марказ мегӯянд, фаъолияти он бо меъёрҳои ҷаҳонӣ ҷавобгӯй буда, дар марказ дастгоҳҳои муосир насб шудаанд.

Мӯҳр

Хабарҳои монанд:

Cайфулло

Агар хитоихо муовфики меъерхои чахони кор мекарданд, Пекину Урумчи ифлостарин аз хисоби хавои худ намебуданд. дар ин шахрхо низ хама чиз бо ангишт кор мекунад ва зимистон кулли мардум касал аз дасти хамин буггхонахо, нафас кашидан хеле мушкил аст. Акнун хаминхо омада барои мо мувофики меъери байналмилали корхонаи гармиву об месозанд.

Ҷавоб диҳед Иқтибос Шикоят

Ахмад

Мухтарам раис оё Маркази Гармидиҳи, ки дар маҳаллаи Арбобхотун (Афгоно) чойгир аст низ бо филтр таъмин аст ва оё хар дахруза дар гирду атрофи ин марказ ченкунихо гузаронида мешаванд? Ҳар субҳ дару девор ва мошинхои дар хавли гузоштаи ахолии кучаи Арбобхотуни ш. Душанбе пур аз чангу дуди ангишт мешавад. Бегох хавои атроф бехад вазнин аст хатто дудро бо чашм хам дидан мумкин аст. Илтимос Озодагон ин масъаларо хам пешниход кунед.!!!!

Ҷавоб диҳед Иқтибос Шикоят

Эзоҳ илова кунед