Бобозода мушкили аслии кишоварзонро номбар кард (САДО)
Хайрулло Бобозода, сардори Сарраёсати кишоварзии вилояти Суғд мегӯяд, кишоварзони тоҷик се мушкили асосӣ доранд.
Бобозода дар нишасти хабарии ниҳодаш дар посух ба суоли хабарнигори “Озодагон” гуфт, нархи гарони нуриҳои минералӣ, набудани қарзҳои имтиёзноку зиёд будани фоизҳои бонкӣ ва сармоягузориву пули озод надоштани деҳқон имрӯз мушкили асосии соҳа мебошад: “50 кг слитраи амиак 145 сомонӣ харидорӣ мешавад, ки ин ниҳоят баланд аст. Мувофиқи тавсияҳо, мо бояд ба ҳар як гектар на кам аз 500-600 кг нуриҳои минералӣ бипошем”.
Сардори Сарраёсати кишоварзии вилоят мегӯяд, деҳқонҳо наметавонанд қарзҳои имтиёзнок дарёфт кунанд: “Фоизи бонкҳо хеле гарон аст ва барои деҳқон вазнин аст”.
Хайрулло Бобозода мушкилии сеюмро ба сармоягузориву пули озод надоштани деҳқон арзёбӣ намуд. Бино ба иттилои ин ниҳод, соли 2016 ҳаҷми умумии истеҳсоли маҳсулоти кишоварзиро дар ҳамаи шаклҳои хоҷагидорӣ ба 6 милиарду 197 миллион сомонӣ расондаанд, ки ин нишондод дар муқоиса нисбат ба ҳамин давраи соли 2015, 109,1% баробар мебошад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |