04 апр 2017 15:38Тоҷикистон / Сиёсат

Авҷи баҳс: Манъи парвози 2 ширкати русӣ ба Тоҷикистон ва маслиҳат ба мусофирон

Вазорати нақлиёти Тоҷикистон дар посух ба қарори Маскав дар бораи манъи парвози “Сомон Эйр” тасмим гирифтааст, ки парвози ширкатҳои русии “Уралские авиалинии” ва “Ютейр” ба Душанбе ва Хуҷанд қатъ карда шаванд.

Дар ин бора аз Вазорати нақлиёти Тоҷикистон ба “Озодагон” иттилоъ дода, афзуданд, ки қарори мазкур аз соати 10:30-и 5-уми апрел амалӣ хоҳад шуд.

Бар асоси қарори мазкур парвозҳои “Ютейр” аз Маскав ба Душанбе ва “Уралские авиалинии” ба Хуҷанд мамнуъ гардид.

Масъули Вазорати нақлиёт таъкид кард, ки ин тасмим посух ба қарори Маскав дар бораи манъи парвозҳои “Сомон Эйр” ва иҷро нагардидани созишномаи байниҳукуматӣ мебошад.

Мақомоти Русия аз 3 апрел парвозҳои ширкати "Сомон Эйр"-ро аз шаҳрҳои Душанбе ва Хуҷанд ба Маскав маҳдуд карда, онро ба қазияи ширкати “Ямал” рабт доданд. Ба гуфтаи мақомоти тоҷик “Ямал” мехоҳад ба шаҳрҳои Душанбе ва Хуҷанд ҳафтае на 2 парвоз, балки 7 парвоз анҷом диҳад, ки боиси норозигии мақомоти Тоҷикистон шудаст.

Ин баҳс дар ҳолест, ки баҳор мавсими сафари муҳоҷирон ба Русия мебошад ва мамнуъсозиҳои тарафайни парвозҳо боиси саргардонии мусофирон шудааст. Вазорати нақлиёти Тоҷикистон гуфт, мусофирони ширкатҳое, ки парвозашон мамнуъ шудааст, метавонанд маблағашонро бозпас гиранд ё аз хатсайрҳои дигар истифода баранд.

Мӯҳр

Хабарҳои монанд:

Ачмал

Ин бахсу манъкунихо моро кучо мебарад? Наход ба варта?

Ҷавоб диҳед Иқтибос Шикоят

Devona

Ачмал,
Shumo hozir dar kujoed?

Ҷавоб диҳед Иқтибос Шикоят

Беном

Чаро рохбари асосии Сомон Эйр хап аст? Доимо Вазорати наклиет аз номи Сомон Эйр гап мезанад. Кани як бор худашонро ба халк нишон диханд ва сабаби ин кадар кимат будани чиптаро фахмонанд

Ҷавоб диҳед Иқтибос Шикоят

Abdulla

Агар ичозат медодан барои парвоз ширкати Ямал-ба конкуренцияи нагз мешуд ва нархи билет ба самти Русия арзон мешуд, мутаасифона дар ЧТ конкуренцияро 10 сол пеш кушта гур кардан, барои хамин касе чи кадар нархе ки хохад ба ашё, мол, махсулот ва хизматрасонихои худ мемонад.

Ҷавоб диҳед Иқтибос Шикоят

Точиниссо

Пешинохи ачои дорам- ба Руссия ичозат диханд ки ба хатсайри Маскав Хоруг харчанде хоханд парвоз кунанд. Мо самолетро аз мохи октябр инчониб факат дар телевизор мебинем. Ягон самолети шалаки Точикэйр АН 28 валангор шуда мо мондаем. Е хатсайри Душанбе Хоругро ба Россия диханд ба ивази ягон чиз.
Ана пешниходи олимона.

Ҷавоб диҳед Иқтибос Шикоят

Дилшод

Озодагон, ваќти даќиќи манъи парвозњо кадом аст? Дар «Интерфакс» омадаааст: "начиная с 6 апреля 10:30 местного времени" Шумо мегўед, ќарори мазкур аз соати 10:30-и 5-уми апрел амалb хоњад шуд. Ман нафањмидам?

Ҷавоб диҳед Иқтибос Шикоят

Эзоҳ илова кунед