Хадамот “Пайванд”-ро ҳам 10 ҳазор ҷарима баст...
Хадамоти зиддиинҳисории Тоҷикистон ҷамъияти “ССП Пайванд”-ро, ки ба хизматрасонии терминалҳо машғул аст, 10 ҳазор сомонӣ ҷарима бастааст.
Ин ниҳод далели ҷаримабандиро “пешниҳоди маълумоти носаҳеҳ” гуфтааст. Ба иттилои Хадамоти зиддиинҳисорӣ, бар асоси қарори Ҳукумати Тоҷикистон ҳангоми гузаронидани маблағ ба тавозуни истифодабарандагони симкортҳо барои қабули маблағ набояд фоиз гирифта шавад. “ССП Пайванд” 20 феврал унвонии Хадамоти зиддинҳисорӣ маълумот пешниҳод намудааст, ки ҳангоми гузаронидани маблағ ба тавозуни истифодабарандагони симкортҳо ба воситаи терминалҳои ҷамъияти мазкур аз муштариён фоиз намеситонад. Аммо хадамот мегӯяд, мушоҳидаҳо нишон дод, ки рӯзи 3 май ҳангоми пардохти маблағҳо ба тавозуни симкортҳои алоқаи мобилӣ тавассути “ССП Пайванд” дар шаҳри Душанбе аз маблағи умумии пардохтгардида 3 фоиз маблағ ситонида шудааст: “Тибқи мактуби пешниҳоднамудаи Шӯъбаи минтақавии Хадамоти зиддиинҳисорӣ дар вилояти Бадахшон аз 4 майи соли 2017, №50 бармеояд, ки аз ҷониби терминалҳои ҶДММ “ССП Пайванд” дар ҳудуди вилояти Мухтори Куҳистони Бадахшон низ ҳангоми пардохти маблағ ба тавозуни истифодабарандагони симкортҳо то ҳол аз муштариён фоиз ситонида мешавад”.
Хадамот афзуд, тибқи моддаи 553-и Кодеқси ҳуқуқвайронкунии маъмурӣ, яъне барои пешниҳоди маълумоти носаҳе, 11 май нисбати “ССП Пайванд” ҷарима дар ҳаҷми дусад нишондиҳанда барои ҳисобҳо (10000,0 сомонӣ) таъйин гардид. Ба иттилои ин ниҳод, бар асоси талаботи моддаи 38 қонун “Дар бораи ҳимояи ҳуқуқи истеъмолқунандагон” нисбати “ССП Пайванд” амрнома ҷиҳати хотима додани ҳуқуқвайронкуниҳои истеъмолқунандагон содир гардидааст.
Аз ин пештар Хадамоти зиддиинҳисорӣ бо ҳамин ҷурм ҷамъияти “Пардохт”-ро ҳам 10 ҳазор сомонӣ ҷарима баста буд.
Ҳафтаи сипаришуда хабаргузории "Озодагон" баъди шикояти муштариён дар мавриди пулситониҳои "Пайванд"хабар нашр карда буд.
Идомаи “фоиз”-гирӣ: "Пардохт" ҷарима шуд, "Пайванд" чӣ? (АКС)
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |