12 июн 2017 16:05Тоҷикистон / Иқтисодӣ / Дидгоҳи хос

Вазири афғон: Русия мехоҳад, тариқи CASA-1000 барқи “Сангтӯда 1”-ро фурӯшад

Русия хостааст, дар лоиҳаи бунёди CASA-1000, хатти интиқоли барқ аз Тоҷикистон ба Афғонистону Покистон иштирок кунад.

Дар ин бора Алӣ Аҳмад Oсмонӣ, вазири об ва энергетикаи Ҷумҳурии Исломии Афғонистон дар ҳошияи намоишгоҳи ЭКСПО-2017 дар Остона иттилоъ додааст.

Ба гуфтаи вазири об ва энергетикаи Афғонистон дархост аз ҷониби Русия зери имзои муовини вазири энергетикаи ин кишвар ворид шудааст ва Кобул онро пазируфт: “Мо чанде пеш аз ҳукумати Русия дархосте гирифтем, ки эшон хосторанд дар лоиҳаи CASA-1000, ки интиқоли неруи барқро аз Осиёи Марказӣ ба Ҷанубӣ, аз Тоҷикистон ва Қирғизистон ба Афғонистон ва Покистон пешбинӣ мекунад, ҳамроҳ шаванд. Онҳо мехоҳанд ду хатро якҷо карда дар содироти неруи барқ ба Осиёи Ҷанубӣ ширкат кунанд, зеро Русия дар Тоҷикистон НБО-и Сангтӯдаро дорад”.

Лоиҳаи CASA-1000 интиқоли нерӯи барқро аз Тоҷикистон ва Қирғизистон ба Афғонистон ва Покистон пешбинӣ карда, арзиши лоиҳа - $ 1 миллиардро ташкил медиҳад. НБО-и Сангтуда -1, ки иқтидори умумияш 670 мВт аст, соли 2009 ба фаъолият оғоз намуда 75% саҳмияҳояш ба Русия 25% ба Тоҷикистон тааллуқ дорад.

Мӯҳр

Хабарҳои монанд:

Шахрванд

Русссия мехохад дар ин самт боз найраги худро пешниход кунад.

Ҷавоб диҳед Иқтибос Шикоят

Саид

"Дузди зур соҳиби говро бастааст!"
Оё ягон корхона кон (шахта) роҳҳо...умуман бо ТҶ ягон чиз таалуқ дорад.
Истиқлолаш ҳамин будаастда.

Ҷавоб диҳед Иқтибос Шикоят

Олим

Россияро рох додан мумкин нест. Обро лой мекунад.Барои Россия шуда аз Точикистон хама руй мегардонад.

Ҷавоб диҳед Иқтибос Шикоят

Тажикча

Акуунн... урус бисёр хобҳои зур мебинаду... ин хобоша рафта ба дарёи Енисей ё Волга мегуфт беҳтар буд.
Русҳо аз рӯзи аввал муқобили ин тарҳ буданд ва ҳастанд. Диданд, ки бо таҳдид намешавад, чанд сол пеш "омодагии" худошона барои пурра сохтан ва ба истифода додани КАСА пеш гузоштанд, аммо бо шарте ки идораи хати барқ дар дасти онҳо монад. Табиист ки касе розӣ нашуд.
Урус ба ҳар роҳ мехоҳад, пеши ҳама гуна пешравӣ ва истиқлолияти иқтисодиву энергетикии Тоҷикистонро гирад. Мехоҳад бо "запудривать" кардани мағзи сари афғону покистонӣ дар ин лоиҳа ворид шаваду онро ҷанини мурда гардонад ва баъди чанде ин лоиҳа аз харитаи энергетикии минтақа исқоти ҳамл шавад. Тамом. Урус дигар ягон мақсад надорад. Урус эҳтиёҷ барои пули Сангтудаву фурӯши барқи он надорад.
Бубинед, ки аз рӯзе ки он нерӯгоҳ кор мекунад, моҳи ноябр агрегатҳоро хомӯш карда, то моҳи апрел "технические работы" мегузаронанд. Ногуфта намонад, Сангтуда-1 чандин бор дар фасли сармо бе огоҳӣ ва берун аз нақша ба шабакаҳои ҷануб худро пайвасту хомӯш кардааст, ки сабаби рӯх додани ҳолатҳои садамавӣ шудааст, инро ҳама энергетикҳои Тоҷикистон медонанд.

Ҷавоб диҳед Иқтибос Шикоят

Эзоҳ илова кунед