Боздошти мудири бонк барои додани пора ба корманди Оҷонсии зидди фасод
Маъруфхуҷа Насриддинзода, мудири филиали “Амонатбонк”, дар шаҳри Турсунзода барои пешниҳоди пора ба корманди Оҷонсии зидди фасоди Тоҷикистон боздошт шудааст.
Тибқи иттилои Оҷонсии мубориза бо фасоди Тоҷикистон Насриддинзода аз феврали соли 2014 дар вазифаи мудири филиали “Амонатбонк” дар шаҳри Турсунзода фаъолият дошта, барои пинҳон кардани камбудиҳо дар кори бонк ба масъули Оҷонсӣ пора пешниҳод кардааст: “Кормандони Оҷонсӣ зимни санҷиши молиявӣ-хоҷагидорӣ дар бахши “Амонатбонк”-и Турсунзода, ҳолатҳои ғайриқонунӣ ба шаҳрвандон додани кредит ба маблағи зиёда аз 147 ҳазор сомониро ошкор кардаанд”.
Ба иттилои манбаъ 25 май Насриддинзода барои рӯйпуш намудани камбудиҳо ва ба тариқи мусбӣ ҷамъбаст намудани натиҷаи санҷиши молиявӣ ба корманди Оҷонсӣ 120 000 сомонӣ пора пешниҳод намудааст: “Гарчанде, ки корманди Оҷонсӣ якчанд маротиба қабули пораи пешниҳоднамудаи Насриддинзодаро рад намуда бошад ҳам, вале номбурда мунтазам маблағи мазкурро ба ӯ ба сифати пора пешниҳод намудааст”.
Оҷонсӣ мегӯяд Насриддинзода 30 май баъди шахсан ба корманди Оҷонсӣ додани 120 ҳазор сомонӣ дастгир гардида, маблағи зикршуда ҳамчун далели шайъӣ гирифта шуд: “Нисбати боздоштшуда бар асоси моддаи 320 қисми 2 (додани пора)-и Кодекси ҷиноӣ парванда боз шуда, тафтишоти пешакӣ идома дорад”.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |