Deprecated: preg_replace(): The /e modifier is deprecated, use preg_replace_callback instead in /var/www/mamadshoev/data/www/ozodagon.com/engine/classes/templates.class.php on line 68 Deprecated: preg_replace(): The /e modifier is deprecated, use preg_replace_callback instead in /var/www/mamadshoev/data/www/ozodagon.com/engine/classes/templates.class.php on line 72 Deprecated: preg_replace(): The /e modifier is deprecated, use preg_replace_callback instead in /var/www/mamadshoev/data/www/ozodagon.com/engine/classes/templates.class.php on line 68 Deprecated: preg_replace(): The /e modifier is deprecated, use preg_replace_callback instead in /var/www/mamadshoev/data/www/ozodagon.com/engine/modules/show.full.php on line 343 Deprecated: preg_replace(): The /e modifier is deprecated, use preg_replace_callback instead in /var/www/mamadshoev/data/www/ozodagon.com/engine/classes/templates.class.php on line 60 Deprecated: preg_replace(): The /e modifier is deprecated, use preg_replace_callback instead in /var/www/mamadshoev/data/www/ozodagon.com/engine/classes/templates.class.php on line 64 Deprecated: preg_replace(): The /e modifier is deprecated, use preg_replace_callback instead in /var/www/mamadshoev/data/www/ozodagon.com/engine/classes/templates.class.php on line 60 Deprecated: preg_replace(): The /e modifier is deprecated, use preg_replace_callback instead in /var/www/mamadshoev/data/www/ozodagon.com/engine/classes/templates.class.php on line 64 Deprecated: preg_replace(): The /e modifier is deprecated, use preg_replace_callback instead in /var/www/mamadshoev/data/www/ozodagon.com/engine/classes/templates.class.php on line 72 Deprecated: preg_replace(): The /e modifier is deprecated, use preg_replace_callback instead in /var/www/mamadshoev/data/www/ozodagon.com/engine/classes/templates.class.php on line 104 Ҷузъиёти кору ақидаи Оқохони IV: Аз даромад то теъдоди афроде, ки мехӯронад, мехононад, табобат мекунад... » Озодагон
Русский  >>  فارسی  >>  Шанбе 21 сентябр 2019, 11:39

Ҷузъиёти кору ақидаи Оқохони IV: Аз даромад то теъдоди афроде, ки мехӯронад, мехононад, табобат мекунад...

11 июл 2017, 18:00

Исмоилиёни Тоҷикистон имрӯз, 11-уми июл баробари сокинони беш аз 25 кишвари дигари ҷаҳон 60-умин солгарди ба тахти имомат нишастани пешвои руҳонияшон, Шоҳ Карим ал-Ҳусайнӣ, Оқохони IV, имоми 49-уми худро таҷлил мекунанд ва чорабиниҳои маърифатӣ-фарҳангӣ зери унвони ҷашни Алмосии Оқохон то июли соли оянда идома хоҳад кард.

Тибқи иттилои исмоилиёни Тоҷикистон, Шоҳ Карим ал-Ҳусайнӣ аз авлоди мустақими Муҳаммад Пайғамбар (С), тавассути писари амаку домодаш Алӣ ва Фотима, духтари Пайғамбар мебошад: “Ӯ шаст сол пеш, дар синни 20-солагӣ вориси бобои худ, ҷаноби Султон Муҳаммад Шоҳ Оқохон, ҳамчун Имоми мусулмонони шиаи Исмоилия бар тахти Имомат нишаст”.

Бар асоси иттилои Бунёди Оқохон имрӯз Шоҳ Карим ал-Ҳусайнӣ як ҷамоати ҷаҳонии иборат аз тақрибан 15 миллион нафар мусулмонони шиаи Исмоилияро, ки асосан дар Осиёи Ҷанубӣ, Осиёи Марказӣ, Африқо, Шарқи Миёна, Аврупо, Амрикои Шимолӣ ва Шарқи Дур зиндагӣ мекунанд, сарварӣ менамояд: “Ҷамоати исмоилиён ба мисли кулли ҷаҳони исломӣ, як гуногуншаклии ғании фарҳангҳо, забонҳо ва миллатҳоро ифода менамояд. Нақши ӯ ҳамчун Имом аз тафсир додани дину мазҳаб ва масъулиятҳо барои муассисаҳои динӣ ва фаъолияти пайравони худ дар тамоми ҷаҳон иборат аст”.

Оқохони IV, муассис ва Раиси Ташкилоти Оқохон оид ба рушд мебошад, ки яке аз шабакаҳои бонуфузтарин дар соҳаи рушд дар ҷаҳони имрӯза ба шумор меравад. Ташкилоти Оқохон оид ба рушд дар беш аз 30 кишвар, асосан дар Осиёи Марказӣ ва Ҷанубӣ, Африкаи Шарқӣ ва Ғарбӣ ва Шарқи Миёна фаъолият дорад. Ҳайати кормандони он ба 80 000 нафар расидааст ва он яке аз ташкилотҳои бузургтарини ҷаҳон оид ба рушд мебошад.

Тибқи иттилоияи расмӣ ташкилоти Оқохон оид ба рушд аз одоби исломии ҳамдардӣ ва масъулияти ғамхорӣ намудан ба ниёзмандон илҳом гирифта, барои некӯаҳволии умумии шаҳрвандон, сарфи назар аз ҷинс, аслу насаб ё дину мазҳаб фаъолият дорад: “Ташкилоти Оқохон оид ба рушд ҳар соле 925 миллион доллари ИМА-ро барои фаъолияти ғайритиҷоратии иҷтимоӣ ва рушди фарҳангӣ сарф менамояд, ки даҳ соли охир се баробар афзоиш ёфтааст. Ташкилот беш аз 200 муассисаҳои тандурустӣ, 2 донишгоҳ, ки 6 кишварро фаро гирифтаанд ва инчунин зиёда аз 200 мактаб ва барномаҳои такмили мактабро дар баъзе аз кишварҳои дурдасттарин ва камбизоаттарини ҷаҳони рў ба тараққиро идора менамояд”.

Инчунин Ташкилоти Оқохон оид ба рушд беш аз 90 ширкатҳои лоиҳавиро дар низомҳои дар ҳолатҳои баъди низоъ ва иқтисодиёти гузариш идора менамояд ва бо ин роҳ барои гузоштани пойдевори рушди иқтисодӣ дар ин кишварҳо кӯмак мерасонад: “Ин ширкатҳо, ки лоиҳаҳои гуногунро дар бар мегиранд, аз лоиҳаи миқёсаш калони оид ба гидроэнергетика дар Уганда то ба як ширкати телефонии мобилӣ дар Афғонистон, айни замон зиёда аз 4.1 миллиард доллари ИМА даромад меоранд. Изофапулиҳо аз ин фаъолиятҳо аз нав ба лоиҳаҳои рушде, ки аз ҷониби Оқохон амалӣ мегарданд, сармоягузорӣ карда мешаванд”.

Аз табобати 5 миллион то таълими 2 миллион

Оқохон бо такя ба анъанаҳои аҷдодони худ, ки ба беш аз ҳазор сол қабл имомони исмоилӣ донишгоҳҳо ва муассисаҳои аввалини омӯзиширо дар олами мусулмонон таъсис додаанд, марказҳои омӯзишӣ, аз ҷумла, Донишгоҳи Оқохон, Донишгоҳи Осиёи Марказӣ ва Академияи Оқохон таъсис додааст, ки дар таҷрибаи байналмилалии таълимӣ, дониш ва тадқиқоти илмӣ пешсафанд: “Ташкилоти Оқохон оид ба рушд ҳар сол дар баробари дигар барномаҳои сершумор ба панҷ миллион нафар хизмати босифати тиббӣ мерасонад, таълимро барои ду миллион нафар хонандагон, аз сатҳи томактабӣ то ба сатҳи донишгоҳ, такмил медиҳад, барои даҳ миллион нафар қувваи барқро таъмин менамояд ва ба ҳашт миллион нафар барои расидан ба амнияти озуқаворӣ, баланд бардоштани даромади хонавода ва беҳтар кардани сифати умумии ҳаёти онҳо кӯмак мерасонад”.

Нақшаҳои ҷашнӣ ва итминони Оқохон: Гуногунӣ бояд илҳом бахшад, на аз ҳам ҷудо намояд

Бунёди рушди Оқохон афзудааст, дар доираи тантанаи Ҷашни Алмосии Оқохон татбиқи лоиҳаҳои нави иҷтимоӣ, фарҳангӣ ва рушди иқтисодӣ оғоз мегарданд: “Ба муассисаҳои Оқохон, аз ҷумла Донишгоҳи Оқохон ва Донишгоҳи Осиёи Марказӣ захираҳо ва иқтидори иловагӣ дода мешаванд. Оқохон итминон дорад, ки гуногунӣ бояд илҳом бахшад, на аз ҳам ҷудо намояд ва васеъ намудани гуногунандешӣ ин як пайванди муҳим барои сохтани ҷамоатҳои осоишта ва муваффақ мебошад. Соли 2006 Оқохон ва ҳукумати Канада дар Оттава Маркази глобалиро барои таъмини плюрализм таъсис доданд, ки мақсади он гузарондани тадқиқоту ба роҳ мондани донишҳои замонавӣ дар бораи арзишҳое мебошад, ки барои ҷомеаҳои гуногунандеши фарогир такягоҳ мегарданд. Оқохон муколамаи васеъ ва ҳамкориро дар байни ҷамоатҳои динӣ тақвият бахшид ва таблиғгари барҷастаи дарки беҳтари Ислом гардид. Ӯ таъкид менамояд, ки Ислом ин дини хирадгаро ва рӯҳонӣ аст, ки шафқат ва таҳаммулпазирро меомӯзонад ва шаъну шарафи инсониятро ҷонибдорӣ мекунад. Ӯ мафҳуми низои ногузири миёни халқҳоро рад менамояд, ва онро "бархӯрди ҷоҳилӣ", на бархурди тамаддунҳо меномад”.

Бо гуфти худи ӯ: «Ҷаҳоне, ки мо онро ҷустуҷў дорем, ин на он ҷаҳонест, ки он ҷо фарқият бартараф карда мешавад, балки ҷаҳоне хоҳад буд, ки фарқият метавонад барои ташаккул додани ҳиссиёти нави ҳамкорӣ ва пайдарпаӣ дар дунёи мо барои накўӣ як қувваи пуриқтидоре гардад ва барои якҷоя сохтани зиндагии беҳтар барои ҳама ба мо кӯмак мерасонад».

Бунёди рушди Оқохон таъкид намудааст, ки дар замони нооромии ҷаҳон, ки мо зиндагӣ дорем, умед ҳаст, ки Ҷашнии Алмосӣ барои беҳтар намудани дарки Ислом ва тамаддуни мусулмонӣ ва барои ҳамкории байни халқҳо ва ҷамоатҳои динҳои гуногун дар тамомии ҷаҳон мусоидат менамояд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!