Иттифоқи журналистон муҳлати охири азнавбақайдгирии аъзояшро эълон кард
Иттифоқи журналистони Тоҷикистон муҳлати охири азнавбақайдгирии аъзояшро 31 август эълом кард.
Зинатуллоҳ Исмоилзода, раиси Иттифоқи журналистон имрӯз, 28 июл дар суҳбат бо “Озодагон” гуфт, сабти дубораи аъзо дар асоси қарори Анҷумани 12-уми Иттифоқи журналистон аз 16 январи соли 2016 сурат мегирад. Ба гуфтаи ӯ, дар ҳоли ҳозир наздики 500 нафар асноди худро барои азнавбақайдгирӣ пешниҳод кардаанд. Бар асоси маълумоти мавҷуда теъдоди аъзои Иттифоқи журналистон ба 2300 мерасад.
Ҷаноби Исмоилзода афзуд, онҳо талош мекунанд, давоми бештар аз як моҳи дигар тамоми аъзои иттифоқ аз нав сабти ном шаванд: “Дар баробари азнавбақайдгирӣ пойгоҳи маълумоти аъзои иттифоқро таъсис медиҳем. Ин корҳо барои муайяну мушаххас намудани теъдоди воқеии аъзо мебошад”.
Раиси Иттифоқи журналистони Тоҷикистон иброз дошт, бо ҳадафи дар муҳлати муайяншуда анҷом додани азнавбақайдгирӣ дар саросари кишвар чорабиниҳои фаҳмонидадиҳӣ ҷараён доранд. Ӯ мегуяд, ҳамчунин таъсиси ташкилотҳои ибтидоӣ имкон фароҳам меорад, шаҳодатномаҳои куҳнаи аъзои иттифоқ барои дарёфти шаҳодатномаи нав зудтар гирд оварда шаванд: “Айни ҳол дар шаҳру ноҳияҳои вилоятҳои Суғду Хатлон, ноҳияҳои тобеи марказ ва калонтарин воситаҳои ахбори оммаи кишвар дар шаҳри Душанбе чунин ташкилотҳо таъсис ёфтаву фаъолият доранд”.
Ба гуфтаи Зинатуллоҳ Исмоилзод дар баробари шаҳодатномаи нав аъзои иттифоқ баъди сабти дубора нишони сарисинагӣ низ мегиранд.
ФЕҲРИСТИ ҲУҶҶАТҲОЕ, КИ БАРОИ АЗНАВБАҚАЙДГИРӢ ЛОЗИМ АСТ:
1) Ариза ба номи раиси ИЖТ;
2) Маълумотномаи узви ИЖТ;
3) Маълумотномаи ҷойи кор;
4) Ду дона расми андозаи 3х4;
5) Шиноснома;
6) Шаҳодатномаи ИЖТ;
Барои маълумоти бештар бо ин шумораҳо тамос бигиред: (+992) 91 932 34 02, 221 84 30, 221 79 03 ва 988 00 44 33.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |