15 авг 2017 14:13Тоҷикистон / Иқтисодӣ

JICA барои таҳсили хизматчиёни давлатии Тоҷикистон 1,5 миллион доллар медиҳад

Миёни Вазорати молияи Тоҷикистон ва Намояндагии Агентии Ҷопон оид ба ҳамкориҳои байналмиллалӣ (JICA) созишномаи грантие ба маблағи 161 миллион иенаи ҷопонӣ, муодили 1,5 миллион доллари амрикоӣ ба имзо расидааст.

Тавре аз Сафорати Ҷопон дар Душанбе ба “Озодагон” гуфтанд, ин созишномаи грантӣ дар чорчуби “Лоиҳаи рушди захираҳои инсонӣ” (JDS) имзо шуда ва ҳадафи он “ҳалли масъалаҳои рушд дар Ҷумҳурии Тоҷикистон тавассути дастгирӣ намудани хизматчиёни ҷавони давлатӣ ва дигар раҳбарон барои дарёфти дараҷаи академии магистрӣ ва докторантура (PhD) дар муассисаҳои таҳсилоти олӣ дар Ҷопон ва ба ин васила мусоидат ба таҳкими ҳамкориҳои дуҷониба” гуфта мешавад.

Манбаъ афзуд, лоиҳаи JDS аз ҷониби Агентии хизмати давлатии назди Президенти Тоҷикистон дар ҳамкорӣ бо дафтари Маркази ҳамкориҳои байналмиллалӣ Ҷопон (JICE) амалӣ хоҳад шуд: “Дар чаҳорчубаи лоиҳаи мазкур имконияти таҳсил барои ҳафт нафар хизматчиёни ҷавони давлатӣ дар курсҳои магистрӣ ва 1 хизматчии ҷавони давлатӣ дар докторантура, ки аз моҳи сентябри соли 2018 оғоз меёбанд, фароҳам оварда мешавад. Барномаи рушди захираҳои инсонӣ дар Ҷумҳурии Тоҷикистон аз соли 2008 амалӣ мешавад. То кунун 33 нафар стипендиягирандагони ин барнома курсҳои магистриро дар Ҷопон бомуваффақ хатм намуда, алъон барои рушди Тоҷикистон фаъолона кору фаъолият пеш бурда истодаанд”.

Мӯҳр

Хабарҳои монанд:

Юсуф

Ана барои ҳамин бояд дар кишвари мо забони англисӣ васеъ омӯхта шавад, зеро ин гуна барномаҳо фақат бо забони англисӣ амалӣ мегарданд. Мо бояд иқдоме бигирем, ки дар макотиб ва донишкноҳҳо ин забон ҳар рӯз омӯзонда шаванд. Дар марҳилаи баъдӣ бояд фанҳои дақиқ дар ҳама ҷо бо забони англисӣ дарс дода шавад. Ин кор фақат ба фоидаи худамон аст. Масалан, дар Ҳиндустон ва бисёр давлатҳои Африқо кайҳо боз бо ҳамин усул кор мебаранд. Аз ин хотир ҳамаи ҳиндуҳо, покистонӣ ва бисёри афғонҳо бо англисӣ озод ҳарф мезананд. Аз ин ҷиҳат мо даҳсолаҳо ақиб мондаем.

Ҷавоб диҳед Иқтибос Шикоят

Эзоҳ илова кунед