17 авг 2017 14:57Тоҷикистон / Иқтисодӣ / Рӯ ба рӯ / Тема дня

“Мурғи ҳилол”-и Файзобод пурра аз кор бозмонд: 600 нафар ба рухсатии бемузд гусел шуданд

Корхонаи парандапарварии “Мурғи Ҳилол”- и ноҳияи Файзобод пурра аз кор бозмонда, ҳудуди 600 кормандашро ба рухсатии бемузд гусел намудааст.

Зафар Ҳакимов, директори корхонаи “Мурғи Ҳилол” имрӯз, 17 август дар суҳбат ба “Озодагон” далели қатъи фаъолияти онро мушкили молӣ унвон кард. Ӯ гуфт, барои дубора фаъол намудани корхона лоиҳае таҳия шуда, онро Вазорати молияи Тоҷикистон мавриди баррасӣ қарор додааст.

Ҷаноби Ҳакимов мегӯяд, фаъолияти корхона аз воридот вобастагии зиёд дошт ва масъулин бо далели мушкили молӣ натавонистаанд миқдори зарурии хӯроки омехтаи парранда ва чӯҷаи якрӯзаро дар вақти пешбинишуда ворид намоянд.

Корхонаи “Мурғи Ҳилол”-и ноҳияи Файзобод яке аз корхонаҳои маъруфи кишвар маҳсуб меёфт ва соли 2008 ба фаъолият оғоз намуд. Эмомалӣ Раҳмон, раисҷумҳури кишвар зимни боздид аз Файзобод дар соли 2008 ба ин корхона ҳам омад. Дафтари матбуоти Президент он замон навишт, корхона аз ҷиҳати ҳаҷми истеҳсолот дар Осиёи Марказӣ дар ҷойи дуввум қарор дорад ва дар сурати ба иқтидори пуррааш кор кардан метавонад, тамоми муассисаҳои паррандапарварии кишварро бо хуроки омехтаи серғизо таъмин намояд: “Корхона дар 8 соати кориаш метавонад 200 тонна хӯроки омехта омода кунад”.

Масъулини корхона мегӯянд, саршумори мурғро аз 30 ҳазори соли аввали фаъолияти корхона ба 742,3 ҳазор ва истеҳсоли тухмро аз 2,3 миллион ба 97 миллион дона расонида буд.

Пурра аз фаъолият боз мондани корхонаи “Мурғи Ҳилол” дар ҳолест, ки Шавкат Бобозода, вазири саноат ва технологияҳои нави Тоҷикистон рӯзи 26 июл зимни як ҳамоиш дар Душанбе гуфт, давоми шаш моҳи соли равон 78 корхона таъсис ёфта, 175 корхонаи саноатӣ дар кишвар аз кор бозмондааст. Бобозода иброз дошт, ки вақте сухан дар бораи аз фаъолият бозмондани корхонаҳо меравад, бояд таъкид намуд, ки баъзе корхонаҳо фаъолияти мавсимӣ доранд. Ба гуфтаи вазир, сабаби аз кор мондани корхонаҳо ба қарздории онҳо назди бонкҳо марбут аст: “Бархе корхонаҳо аз бонкҳо қарз мегиранд ва сари вақт наметавонанд онро баргардонанд”. Ҷаноби Бобозода афзуд, дар ҳоли ҳозир дар миқёси кишвар 1957 корхонаи саноатӣ фаъол аст.

Мӯҳр

Хабарҳои монанд:

Точик

Ассалому алайкум
Кучо шудед иктисодчихо пешниходу тавсияхо намоед охир, ё кори шумо факат хамон як мавзуи дуругинро пайгири кардану номзадии илмро ба даст овардан аст. Вой бар илму олимони точик.

Ҷавоб диҳед Иқтибос Шикоят

Барзу

Точик рост гуфти. Як кисми ун олимон хасакианд Дуюмашон овораи карзакзани ва мансабталоши доранд. Сеюми, ки ангуштшумор мондаанд, чизе тахлилу тавсия медиханд, лекин Хкумати хирадманди мо онхоро гуш намекунанд. Хозир танхо маслихати "ЦК" аз Вашингтон кобили кабул аст. Вале аз кор мондани корхонахои саноати боиси нигаронии чидди мебошад. Эътимоди кави дорам, ки сабаб дар Кодекси андоз ва набудани низоми дастгирии сурогавии чунин коргоххо мебошад....

Ҷавоб диҳед Иқтибос Шикоят

коргар

хамина нагзтаар пурсида бароянд аз хисоби налогу патент к,арздор шудагист!

Ҷавоб диҳед Иқтибос Шикоят

мехмон

Ин кадар унвонхои олиму, доктор, профессор гирифтагихо дар кучоанд? Охир наход ки мургро хам парвариш карда натавонем?

Ҷавоб диҳед Иқтибос Шикоят

Юсуф

Ҳеҷ гап не! Боз 600 нафари дигар роҳи Русияро мегиранд. Чанд кӯчаи Маскав боз бе фаррош монда будаст.
Ин корхонаи мурғпарварии Файзобод, ки аз аҳамияти вижа бархурдор будааст, чаро ҳукумати марказӣ дастгириаш намекунад? Бесабаб набудааст, ки нархи тухм дар бозорҳо ба як сомонӣ боло рафтааст. Аз мост, ки бар мост, гуфтаанд. Вайрон кардан осон, сохтан душвор аст!

Ҷавоб диҳед Иқтибос Шикоят

Эзоҳ илова кунед