14 сен 2017 14:29Тоҷикистон / Иқтисодӣ / Дидгоҳи хос / Видео / Тема дня

ВИДЕО: Моҳона чӣ қадар пули барқ месупоред?

Ширкати “Барқи тоҷик” 13 сентябр бо пахши як иттилоия эълон кард, аз 1-уми октябр нархи як киловатт нерӯи барқ барои аҳолӣ 2,2 дирам ё 15 дарсад боло меравад. Тибқи иттилои “Барқи тоҷик”, агар то ин вақт гуруҳи истифодабарандаҳо барои ҳар кВт.соат 14,65 дирам пардохт менамуданд, акнун нархи ҳар киловатт.соат 16,85 дирамро ташкил медиҳад.

Хабарнигори “Озодагон” аз раҳгузарон дар кӯчаҳои Душанбе пурсид, моҳона барои истифодаи хизматрасонии нерӯи барқ чӣ қадар пул месупоранд? Аксари пурсидашудаҳо гуфтанд, ҳармоҳа дар тобистон беш аз 50 сомонӣ ва дар фасли сармо 150-200 ва ҳатто то 400 сомонӣ месупоранд. Назарҳои дигарро дар ин видео бубинед ва Шумо низ бинависед, ки дар як моҳ ҳаққи хизматрасонии барқ дар манзилҳоятон чӣ қадар мешавад?

Мӯҳр

Хабарҳои монанд:

Хушнуд

Ман истикоматкунандаи н. Фирдавси 61-МКР. хармоха аз 58 сомони то 82 сомон маблаг месупорам. Ин хукумат боре фикри мардумашро намекунад.

Ҷавоб диҳед Иқтибос Шикоят

Беном

ман ҳар моҳ дар тобистон аз 100 сомонӣ боло ва зимистон то 250 сомонӣ пули барқ месупорам, ҳол он ки маоши якмоҳаи ман 1000 сомонӣ мебошад. Ман танҳо пули барқро пардохт мекунам ба хотири он, ки барқро хомӯш накунанд. Боқимонда пули андоз, домпуравления, пули лифт, об, партовро супорида наметавонам. Бо ду фарзанди ноболиғ танҳҳо зиндагиамро пеш мебарам пули мактаби кудаконамро бошад ҳар сол аз бонк қарз гирифта месупорам. Ана акнун ки пули барқ боз қимат мешавад нисфи маоши ман ба пардохти пули барқ меравад ҳайронам, ки бо ин қиматкунӣ чӣ тавр зиндагӣ кунем

Ҷавоб диҳед Иқтибос Шикоят

беном

Хами заводо корхонахо пули барк месупорида бошанд????

Ҷавоб диҳед Иқтибос Шикоят

Саид

Туркманистон ягона манбаи даромадаш боигарияш нафт аст ,барои мардумаш ҳар моҳе аз 50 то 100,150 литр сузишвори ройгон бепул аст ...
Дар ТҶ ҳамин барқроҳам гиред фурушед (бой) шавед на инсоф мондасту на одамгари ,одами мегуфтаги нест ҳама тарсу шудаем бояд талаб кунем то барқ арзон карда шавад аз ин зиндагӣ дилхунук шудаме....

Ҷавоб диҳед Иқтибос Шикоят

Shahboz

н. Сино. Мохона дар Тобистон аз 140 то 180 (200). Зимистон 250-400 сомон.
Маоши хадди акала мегирем ба барки точик метем тамом ана зиндаги мана зиндаги. Акалан ичозат бтан ПОРА бгирем рузмона бгзаронем. И нархи Донишгохора бинен мегуй дар ЯПОНИЯ хондесай.

Ҷавоб диҳед Иқтибос Шикоят

Умедвор

Дар фасли тобистон аз 110 то 150 сомонӣ ва дар фасли зимистон бошад, то 300 сомонӣ пули барқ месупорем. Ин ҳам дар ҳоле, ки музди маошам дар як моҳ 650 сомонӣ аст. Ростӣ, қадам ба 30 гузоштааму ҳоло ҳам аз ҳисоби волидайнам зиндагӣ мекунам. Вақте падарам барои роҳкиро ва хуроки нисфирӯзиам маблағ медиҳад, он қадар хиҷолатзада мешавам, ки ҳеҷ ногуфтанӣ. Ҷавонони дигар кишварҳо дар сину соли мо аллакай миллионер шудаанду мо бошем ҳанӯз ҳам фақирона умр ба сар мебарем. Дастнигар будан чи қадар сахт будааст. Бо умеди рушди босуръати Ватан.

Ҷавоб диҳед Иқтибос Шикоят

Эзоҳ илова кунед