Нерӯгоҳи Сангтӯда-1 тавассути суди иқтисодӣ ният дорад, аз ширкати «Барқи тоҷик» 5 миллион сомонӣ қарзашро рӯёнад.
Масъулини ширкати «Барқи тоҷик» ин иттилоъро тасдиқ карда, ҳаҷми умумии қарздориашонро дар назди нерӯгоҳи Сангтӯда -1, 203 миллион сомонӣ арзёбӣ карданд. Дар мавриди он ки чаро аз 203 миллион қарзаш нерӯгоҳи Сангтӯда-1 танҳо 5 миллионашро тавассути суд тақозо дорад, намояндагони «Барқи тоҷик» изҳор доштанд, ки ин ба вазъи молиявии нерӯгоҳ дахл дорад.
Ба гуфтаи манбаъ, барои тақозои пурраи қарзаш таввассути суд, нерӯгоҳи Сангтӯда- 1 иқтидори пардохти боҷи судиро надоштаст: «Танҳо барои тақозои 5 миллион сомонӣ тавассути суд Сангтӯда 1 – ро зарур аст, ки дар ҳаҷми 100 ҳазор сомонӣ боҷи судӣ супорад».
Дар маҷмӯъ, манбаъ таъкид кард, ки тайи чанд рӯзи охир бо намояндагони «Сангтӯда -1» вохӯрӣ дошта ният доранд, судбозиро қатъ намоянду нақшаи генералии баргардондани қарзи Сангтӯда- 1-ро таҳия намоянд.
Зимнан, намояндагони «Барқи тоҷик» ҳаҷми қарзҳои дар назди буҷету ширкатҳои дигарро 603 миллион сомонӣ арзёбӣ карданд, ки дар муқоиса бо ҳамин давраи соли гузашта 120 миллион сомонӣ коҳиш ёфтааст.
Мӯҳр