Президенти Покистон дар Наврӯзи Душанбе ширкат мекунад

Осиф Алӣ Зардорӣ, президенти Покистон сафири Тоҷикистон дар он кишвар Зубайдулло Зубайдовро ба ҳузур пазируфт.

---

Тавре ба хабаргузории «Озодагон» аз ВКХ-и Тоҷикистон иттилоъ доданд, зимни нишаст ҷаноби Зардорӣ аз дипломатии тоҷик даъватномаи президенти ҶТ Раҳмонро ҷиҳати иштирок дар таҷлили ҷашни байналмилалии Наврӯз дар шаҳри Душанбе бо изҳори қаноатмандӣ қабул намуд.

Аснои нишакст ба мавзӯъҳои мубрами муносибатҳои дуҷониба, рушди ҳамкориҳои иқтисодию тиҷоратии дуҷониба, масъалаҳои зарурати ҳарчӣ зудтар амалӣ намудани ҳамкориҳо дар чаҳорчӯби Созишномаи сеҷонибаи Тоҷикистон, Афғонистон ва Покистон оид ба транзит, кушодани хатти парвози мустақими Душанбе-Исломобод табодули назар сурат гирифт.

Сипас, ҷонибҳо равобит бо Афғонистон ва зарурати таҳкими ҳамкориҳои минтақавӣ, инчунин масъалаҳои иштироки ҳайати баландмақоми Покистон дар Конфронси RECCA V-ро матраҳ карданд.Зубайдов иброз дошт, ки иштироки ҳайати баландпояи Покистон дар кори RECCA V имкон медиҳад, то Тоҷикистону Покистон дар ҳошияи он ҷиҳати роҳандозии талошҳои ҷомеаи байналмилалӣ ва кишварҳои минтақа дар самти барқарорсозии иқтисодиёти Афғонистон ва сулҳу суботи ин кишвар иқдомҳои муштараку муассир андешанд.

 

Мӯҳр