Ш.Раҳимзода: Мо барои ҳамкорӣ бо Олмон ҳамеша омодаем

Дар Душанбе мулоқоти Шариф Раҳимзода, вазири рушди иқтисод ва савдои Тоҷикистон бо хонум Дорис Хертрампф, сафири ҷумҳурии Федеролии Олмон баргузор гардид.

---

Тавре аз Вазорати рушди иқтисод ва савдо ба хабаргузории «Озодагон»  иттилоъ доданд, зимни ин ҳамоиш масъалаи рушди муносибатҳои гуогунҷабҳаи ҷонибҳо ва омодагӣ ҷиҳати баргузории Конфронси панҷуми ҳамкории иқтисодии минтақавӣ оид ба Афғонистон (RECCA V), ки дар шаҳри Душанбе баргузор мегардад, мавриди баррасӣ қарор гирифт.

 

Манбаъ афзуд, Дорис Хертрампф , Шариф Раҳимзодаро барои таъйин шуданаш ба вазифаи вазири рушди иқтисод ва савдо табрику таҳният намуда, изҳори итминон намуд, ки дар оянда низ ҳамкории вазорат бо ниҳодҳои иқтисодии Олмон ривоҷ хоҳанд ёфт. Дар навбати худ Шариф Раҳизода барои табрикот ва робитаҳои гуногунҷанбаи ҷониби Олмон дар соҳаҳои мухталифи иқтисодию иҷтимоӣ ва илмию фарҳангӣ арзи миннатдорӣ баён намуда, афзуд, ки Тоҷикистон манфиатдор аст бо кишварҳои мутараққии ҷаҳон, аз ҷумла бо ҶФО робитаҳои иқтисодиашро густариш диҳад: « Махсусан, мо омода ҳастем, ки дар самти татбиқи лоиҳаҳои муштарак ҷиҳати бунёди ҷойҳои нави корӣ дар Тоҷикистон ҳамкориро вусъат диҳем».

Мӯҳр