Бозори «Саховат» ҳам соҳиби гузаргоҳи зеризаминӣ мешавад

Шаҳрдорӣ барои сохтмони боз як гузаргоҳи зеризаминӣ дар пойтахт озмун эълон менамояд.

---

Шафқат Сайидов, сухангӯи мири шаҳри Душанбе дар ин бора ба хабаргузории «Озодагон» иттилоъ дода афзуд, ҳукумати пойтахт ҷиҳати дастгирии соҳибҳкорӣ ва фароҳам овардани шароитҳо дар иштироки субъектҳои соҳибкорӣ ба татбиқи барномаҳои сохтмонии шаҳрдорӣ, ки бо ин васила барои нуқтаҳои савдои бунёдшаванда ҳуқуқи соҳибмулкӣ пайдо менамоянд, аз 15 то 25 феврали соли 2012 лоиҳаи сохтмони иншооти гузаргоҳи зеризаминии пиёдагардон дар кӯчаи Н. Қарабоев, назди бозори «Саховат»-ро барои сохтмони инфиродӣ ё худ дастаҷамъона ба озмун мегузорад.

 

Иншоот дорои чунин нишондиҳадаҳои лоиҳавӣ мебошад:

_ масоҳати умумӣ 2266 м ²

- дарозии нақбӣ 60,7 м;

- паҳмӣ 12.80 м;

- баландӣ 3 м;

- миқдори зинапояҳо 10 адад;

- миқдори нуқтаҳои савдо 25 адад;

- нуқтаи нозири минтақавӣ 1 адад;

- нуқтаи хизматрасониҳои муҳандисӣ 2 адад;

Маблағи умумии сохтмони иншоот тибқи харҷномаи лоиҳа 20175,73 ҳазор сомонӣ. Мӯҳлати сохтмон 10 моҳ.

Лоиҳакаши иншоот: КВД «Пажӯҳишгоҳи илмӣ-тадқиқотӣ ва лоиҳакашию кофтуковӣ»-и Вазорати нақлиёт ва коммунтикатсияи ҶТ.

Фармоишгар: Муассисаи давлатии «Раёсати сохтмони асосии Мақомоти иҷроияи маҳаллии ҳокимияти давлатӣ дар шаҳри Душанбе».

Довталабон метавонанд, дархостномаҳоро то 25 феврали соли 2012 барои иштирок дар сохтмон ба суроғаи Муассисаи давлатии «Раёсати сохтмони асосии Мақомоти иҷроияи маҳаллии ҳокимияти давлатӣ дар шаҳри Душанбе», кӯчаи Н. Қарабоев 24, ё тавассути почтаи электронии dushanbe80@yahoo.com иросол доранд.

Телефон барои маълумот: 221-14-45, 221-11-35.

Мӯҳр