БАТР дар эҳдос ва таҷдиди як нерӯгоҳ дар Тоҷикистон саҳм мегузорад. Дар бунёди роҳ низ

Тавре аз ин ниҳод ба хабаргузории «Озодагон» иттилоъ доданд, зимни ин нишаст ҷонибҳо атрофи ҳалли як қатор масъалаҳо роҷеъ ба татбиқи лоиҳаи нерӯгоҳи «Қайроққум»-ро муҳокима намуда, иброз доштаанд, ки ҷиҳати ҳарчӣ зудтар мувофиқанамоӣ ва пазируфтани асосноккунии техникӣ-иқтисодии ин лоиҳа чораҳои зарурӣ андешанд: «Лоиҳаи барқарорсозӣ ва таҷдиди НБО-и «Қайроққум» ба рӯйхати лоиҳаҳои афзалиятнок дар соҳаи энергетикаи Ҷумҳурии Тоҷикистон барои солҳои 2010-2015, ки бо қарори Ҳукумати  Тоҷикистон аз 29 майи соли 2010 №280 тасдиқ шудааст, ворид мебошад ва татбиқи он аз ҳисоби Бонки Аврупоии Таҷдид ва Рушд амалӣ хоҳад шуд».

Манбаъ иттилоъ дод, ки зимни ин ҳамоиш ҳамзамон ҷараёни татбиқи лоиҳаи таҷдиди роҳи автомобилгарди Душанбе-Турсунзода (сарҳади ҷумҳурии Ӯзбакистон), ки аз ҳисоби маблағҳои грантиву қарзии Бонки Осиёгии Рушд ва Бонки Аврупоии Таҷдид ва Рушд маблағгузорӣ хоҳад шуд, баррасӣ гардид.