Дар пайи қатъ шудани интиқоли гази Ӯзбакистон фаъолияти корхонаи «Тоҷиксемент» мутавақиф шудааст.
Дар ин бора як масъули корхонаи мазкур, ки худро Назаров муаррифӣ кард ба хабаргузории Озодагон иттилоъ дод. Номбурда аз шарҳи бештари мавзӯъ худдорӣ намуд. Маврид ба тазаккур аст, қаблан дар мавриди таъсири манфии иқдоми ҷониби Ӯзбакистон ба корхонаи алюминии тоҷик-«ТалКО» низ хабар дода шуд. «ТалКО» яке аз бузургтарин истифодабарандагони гази ҳамсоякишвар мебошад. Зимнан, масъулини корхона гуфтаанд, ки дар пайи ҷустуҷӯи роҳҳои алтернативӣ ҳастанд, ки ҷои газро иваз карда тавонад.Ӯзбакистон интиқоли сӯзишвории кабудашро ба Тоҷикистон аз якуми апрели соли равон қатъ кард. Ин иқдомро масъулини «Узтрансгаз» ба афзоиши ҳаҷми интиқоли газ ба Русияву Чин рабт додаанд.
Мӯҳр