Анҷумани соҳибкорон ва тоҷирони Покистону Тоҷикистон дар Душанбе идома дорад.
Тибқи иттилои палатаи савдо ва саноати ҷумҳурӣ ҳайъати саднафараи соҳибкорон аз Исломобод рӯзи 30-юми май вориди пойтахти Тоҷикистон шуданд. Субҳи имрӯз ҳамойиши мазкур бо сухани ифтитоҳии Оқил Оқилов, нахуствазири Тоҷикистон шурӯъ гардид. Ҳадафи аслии ин нишаст баррасии имконот ва зарфиятҳои сармоягузории ширкатҳои покистонӣ дар иҷрои тарҳҳои мухталиф дар Тоҷикистон унвон мешавад. Бино ба қавли соҳибкорони покистонӣ Исломобод алоқаманди густариши ҳамкориҳо дар бахшҳои тавлиди барқи обӣ ва алюминий дар Тоҷикистон аст. Маврид ба ёдоварист, Тоҷикистон низ дурнамои ҳамкориҳояшро бо Покистон тарҳрезӣ карда, бунёди хати баландшиддати интиқоли барқ САSA-1000 тавассути Афғонистон аз авлавияҳои ҳамкориҳои иқтисодӣ унвон мегардад. Дар ҳамин ҳол, давлати ҳамсояи мо Ӯзбакистон низ талош меварзад, ки ба бозори Покистон барқи худро тавассути тарҳҳои худ ворид созад.
Мӯҳр