Бар асари ду инфиҷор дар Махачқалъаи Доғистон дасти кам 13 нафар кушта, 122 каси дигар захмӣ шудаанд. Гуфта мешавад, теъдоди аъзами зарадидаҳо кормандони пулис ва ниҳодҳои ҳолатҳои изтирориянд.
Таркиши аввал дар дидбонгоҳи «Аляска-30» дар шоҳроҳи Махачқалъа-Астрахан, баромадгоҳи марказии Доғистон ба сӯи кишвари Ставропол соатҳои 22-и шаб ҳангоми муоинаи сабукрави Lada Priora рух додааст. Бино ба маълумоти мақомоти зидди терорристии Русия ҳаҷми маводи тарканда ба 30 кг тратил баробар будааст.
Баъди чанд дақиқа вақте ба ҷои ҳодиса кормандони хадамотҳои амниятиву наҷотрасон ҳозир шудаанд, таркиши дуввум ба вуқӯъ пайвастааст. Тибқи иттилои расида, террористон нақлиёти Газелро пештар дар назди бошгоҳи пулис барои таркиш омода кардаанд. Инфиҷори дуюм аз таркиши аввал ба ҳаҷми 50 кг тратил бузургтар будааст.
Мақомот изҳор кардаанд, ки ҳуввияти террористон то ҳанӯз дақиқ карда нашуда ва танҳо эҳтимол меравад, ки онҳо 2 нафар – як зану як мард будаанд.
Мӯҳр