16 фоизи корхонаҳои Тоҷикистон ба зарар фаъолият кардаанд

Тибқи иттилои оморӣ ба ҳолати аввали соли ҷорӣ 15,7 фоизи корхонаю ташкилотҳои Тоҷикистон ба зарар кор кардаанд.

Масъулини Агентии омори назди президенти Тоҷикистон мегӯянд дар маҷмӯъ қарздории корхонаҳои кишвар таи як сол 511 миллион сомонӣ афзоиш ёфта то ба 9 миллиарду 300 миллион сомонӣ расидаст.  Аз ҷумла қарздории дебитории корхонаҳо 467,6 миллион сомонӣ зиёд шуда ба 4,6 миллиард сомонӣ баробар аст.

Масъулини Агентӣ мегӯянд аз шумораи умумии корхонаю ташкилотҳои ҳисоботдиҳанда 60,2 фоизашон фоидаовар мебошанд. Ҳаҷми даромади корхонаю ташкилотҳои ҳисоботдиҳанда, дар муқоиса бо аввали соли гузашта 240,6 миллион сомонӣ зиёд шудаст.

Намояндагони асосиатсияҳои соҳибкории кишвар изҳор медоранд, ки дар шароити Тоҷикистон фоидаовар намудани корхонаҳои истеҳсолӣ мушкил аст. Матлуба Ӯлҷабоева, раиси Ассосиатсияи соҳибкорони хурду миёнаи Тоҷикистон изҳор медорад, ки баъди роҳандозии низоми «Равзанаи ягона» дар кишвар ташкилу бақайдгирии корхона осон аст, аммо фаъолу даромаднок намудани он ҳамоно мушкил боқӣ мондаст.

 

 

 

Мӯҳр