Нархи пахта давоми як ҳафтаи охир боз 42 доллари дигар арзон шуда, рӯзе пеш дар биржаи Маскав то 2 ҳазору 82 доллар поён омад.
Коҳиши нархи як тонна пахта давоми 1,5 моҳи охир ҳудуди 500 доллари амрикоиро ташкил медиҳад.
Ин дар ҳолест, ки пахта дар баробари алюминий маҳсулоти асосии содиротии кишвар буда, манбаи асосии даромади деҳқонони тоҷик маҳсуб меёбад
Айни ҳол дар Тоҷикистон майдони кишти пахта 210 ҳазор гектарро ташкил медиҳад. Омор агар дар қиёс ба соли гузашта гарчанде зиёд нашудаст, дар нақша аст, ки ҳосил аз порсола бештар шавад. Аз ҳисоби зиёд намудани ҳосилнокӣ имсол масъулини вазорати кишоварзӣ ният доранд, 420 ҳазор тонна пахта ҷамъ намоянд.
Дар шароити арзонишавии пахта, таҳлилгарон роҳи зиёд намудани фоидаро аз пахта роҳандозии коркарди пурраи он дар дохили Тоҷикистон меноманд, ки метавонад фоидаро аз пахта ҳудуди 12 маротиба бештар намояд.
Мӯҳр