Ҳадафҳои Тоҷикистон ҳамчун кишвари пилотӣ дар СММ

Тоҷикистон дар қатори панҷ кишвари дунё ба ҳайси кишвари пилотӣ ба барномаи СММ «Энергияи устувор барои ҳама» пешниҳод шудааст, ки яке аз ҳадафҳои асосии он дастрасӣ ба энергия мебошад.

Ин нукта зимни муаррифии ҳисоботи «Баҳодиҳии бахши энергетикӣ» иброз гардид. Тавре аз Вазорати рушди иқтисод ва савдо ба хабаргузории Озодагон иттилоъ доданд, мақсади дигари Тоҷикистон  дар доираи ин ташаббуси СММ сарфаи энергия ва манбаъҳои барқароршавандаи энергия низ ба ҳисоб меравад: «Ҷиҳати татбиқи мақсадҳои мазкур андешидани чораҳои дахлдор, аз қабили такмили асосҳои меъёрию ҳуқуқӣ ва ислоҳоти институтсионалии соҳа, ҷалби сармояи хусусӣ ва рушди муносибатҳои бозоргонӣ дар бахши энергетикӣ, таҳияи барномаи дарозмӯҳлат ва сиёсати мақсадноки сарфаи энергетикӣ дар ҳамаи бахшҳои иқтисод ва ҳамкории минтақавӣ дар ин самт пешбинӣ гардидааст».

Манбаъ мегӯяд, ҳисоботи «Баҳодиҳии бахши энергетикӣ» аз ҷониби гурӯҳи корие, ки аз ҳисоби кормандони вазорати рушди иқтисод ва савдо, энергетика ва саноат, мелиоратсия ва захираҳои об, Агентӣ оид ба стандартизатсия, метрология, сертификатсия ва бозрасии савдои назди ҳукумати ҷумҳурӣ ва ширкати «Барқи тоҷик», ташкил ёфтааст.

 

 

 

 

Мӯҳр