Дарси кушод дар Озодагон. Барои донишҷӯёни факултаи журналистикаи ДМТ

Як гурӯҳ аз муҳассилини соли аввали факултаи мазкур таҳти сарварии Гулафшон Соқиева, муаллимаи факулта имрӯз меҳмони Озодагон гардиданд.

Донишҷӯён бо тарзу шеваи кор дар нашрия ва хабаргузорӣ, роҳҳои дарёфти хабар, тарзи пешниҳоди мавод ва паҳлӯҳои дигари журналистикаи амалӣ аз наздик ошно гардида, зимнан ба пурсишҳои худ ҷавоби мушаххас гирифтанд.
Сардабири хабаргузории Озодагон оид ба он-лайн журналистика ва журналистикаи чандрасонаӣ ба донишҷӯён маълумот дода, андешаи онҳоро низ дар ин маврид шунид.
Қайд шуд, ки барои журналист шудан, шарт нест, ки ҳатман хатмкардаи ин ё он бахши факултаи журналистӣ бошед, аммо назарияи рӯзноманигориро бояд донист ва онро дар амал татбиқ кард.  
Дарси кушод бо донишҷӯён беш аз як соат идома карда, эшон иброз доштанд, ки дар ин муддати кӯтоҳ аз нозукиҳои пешаи интихобнамудаашон огаҳии бештар пайдо карданд.    


Мӯҳр