КҲФ: Теъдоди ғарқшудагон дар шаш моҳ ба 40 нафар мерасад

Тайи шаш моҳи соли равон дар саросари Тоҷикистон 280 ҳодисаи ба вазъи фавқулоддаи табиӣ иртиботдошта ба қайд гирифта шуд.

Дар ин бора Орифҷон Нозимов, сухангуи КҲФ ба Озодагон иттилоъ дод. Ба қавли номбурда, дар ин миён ҳолати ғарқшавии одамон низ сабт гардида, чанд нафар ба ҳалокат расидаанд: «Теъдоди умумии ғарқшудагон дар нимсолаи аввал ба 40 нафар мерасад. Дар ҳамин давраи соли сипаригашта бошад, шумораи умумии ғарқшудагон ба 66 нафар расида буд. Новобаста аз он ки шумораи ғарқшавӣ нисбат ба соли сипаригашта камтар ба қайд гирифта шуда бошад ҳам, вале ин ҳолат ҳамоно ташвишовар аст».
-Аз ин рӯ Кумитаи ҳолатҳои изтирорӣ аз шаҳрвандон хоҳиш менамояд, ки дар мавсими шиноварӣ дар дарёҳо, обанборҳо, каналҳо ва ҳавзҳо, ки ба таҳдиди эҳтимоли ғарқшавӣ   оварда мерасонад, аз ҳамагон эҳтиёткориро талаб менамояд, ки эҳтиёткорона рафтор ва муносибат кунанд, -гуфт Нозимов.   
Нозимов афзуд, бо сабаби риоя накардани қоидаҳои бехатарӣ ҳангоми шиноварӣ дар дарёҳо ва кўлҳо соли сипаригашта дар кишвар 118 шаҳрванд ва дар нимсолаи аввали соли равон 40 нафар ҳалок гардидаанд.

Мӯҳр