Дар ин бора Қудратулло Шоев, масъули РБДА ба хабаргузории Озодагон иттилоъ дод.
Тибқи хабари манбаъ, имрӯз, 11-уми июл, ронандаи автомашинаи тамғаи «ВАЗ-2115» рақами давлатиаш ЕН 05-55 РТ 01 Фарух Одинаеви 23- сола, сокини кӯчаи Навбаҳор, аснои ҳаракат бо кӯчаи Исмоили Сомонӣ аз тарафи кӯчаи Рӯдакӣ ба самти кӯчаи Варзишӣ дар рӯ ба рӯи «Боғи Ҳайвонот» пиёдагарди ноболиғ Азамбои Тоҳир 12 сола, сокини кӯчаи Ҳамадонӣ, хонандаи синфи 6-уми мактаби таҳсилоти умумии №88-и пойтахтро пахш мекунад. Дар натиҷа, ноболиғ ҷароҳати вазнини ҷисмонӣ гирифта, дар табобатхона ба халокат мерасад.
Номбурда илова намуд, ки як рӯз қабл, ронандаи автомашинаи тамғаи «Нексия» рақами давлатиаш ВМ 42-79 РТ 01 Раҷабмурод Муродалиеви 25- сола , сокини деҳаи Тиллоободи ноҳияи Рӯдакӣ, ҳангоми ҳаракат аз самти ноҳияи Рӯдакӣ ба ҷониби шаҳри Душанбе дар деҳаи Элок, аз ӯҳдаи идораи воситаи нақлиёт набаромада, велосипедрон Абдулло Раҳимови 67- сола, сокини деҳаи Чорсуро пахш намудааст. Дар натиҷа, Раҳимов Абдулло ҷароҳати вазнини ҷисмонӣ бардошта дар беморхона ба ҳалокат расидааст.
Мӯҳр