Ронандаҳо шабона роҳбандӣ кардаанд

Теъдоди зиёде аз ронандагони воситаҳои нақлиёт дар шаҳри Минск алайҳи болоравии арзиши бензин аксияи аҷибе роҳандозӣ карданд.

Ин аксия «Стоп-бензин» ном дошта, ронандаҳо мошинҳои худро дар роҳи марказии пойтахти Белорус нигоҳ доштанд. Сарнишинони худравҳо яке болопӯши муҳаррик, дигари зарфи сӯзишворӣ дар даст ва саввумӣ сарпӯши зарфи сӯзишвории мошинҳоро кушода садо сар медоданд, ки бензин надоранд. Дар натиҷаи ин аксия роҳ  банд шуд ва нозирон маҷбур шуданд, ҷиҳати таъмини ҳаракат аз нақлиёти эвакуатор истифода баранд. Аммо ба кормандони БДА ин чиз муяссар нагардид, зеро бо сабаби набудани роҳи озод эвакуатор ҳатто як мошинро ҳам аз ҷо бе ҷо карда натавонист.

Ҳамин тавр, аксияи «Стоп-бензин» дар Минск то субҳи имрӯз идома ёфт.

 

 

Мӯҳр