Нархи орди Қазоқистон дар Тоҷикистон боз боло рафт

Арзиши як халта орди истеҳсоли Қазоқистон дар бозорҳои пойтахти Тоҷикистон давоми 12 моҳ, яъне аз 10-уми октябри соли 2011 то имрӯз беш аз 30 дар сад афзоиш ёфтааст.

Тавре аз Вазорати рушди иқтисод ва савдо ба Озодагон иттило доданд, нархи як халта орди истеҳсоли Қазоқистон 10-уми октябри соли гузашта 126 сомонӣ арзиш дошт, ҳоло бошад дар дуконҳои орфурушии бозорҳои кишвар як халта орди истеҳсоли Қазоқистон бо нархи  175 сомонӣ ба фӯруш гузошта шудааст: « Моҳи  августи соли равон як  халта ориди Қазоқистон 139 сомониро ташкил медод, вале имрӯз нархи он дар бозорҳои кишвар беш аз 175 сомонӣ фурӯхта мешавад, яъне тайи 2 моҳ 21 дар сад афзудааст».

Бино ба иттилои Агентии омори назди президенти Тоҷикистон, дар ҳашт моҳи соли ҷорӣ ба Тоҷикистон 470 ҳазор тонна гандум ва 232 ҳазор тонна орд ворид шудааст, ки ин нишондод, дар қиёс ба соли гузашта бештар мебошад.

Ба гуфтаи истеъмолкунандагони ин маҳсулот дар бозорҳои кишвар як халта орди истеҳсоли Қазоқистон рӯзҳои охир беш аз 180 сомон ва наздик ба 185 сомонӣ арзиш дорад.

 

Мӯҳр