Боздошти як соҳибкор бо ҷурми махфи нигоҳ доштани даромади худ

Неъматулло Мирзоеви 47 сола, сокини кӯчаи Миралии пойтахт аз ҷониби кормандони ҳифзи ҳуқуқи ноҳияи Шоҳмансури пойтахт бо гумони сохтакорӣ  дастгир карда шуд.

Тавре ба Озодагон Маҳмадулло Асадуллоев, сухангӯйи вазорати умури дохила хабар дод, Неъматулло Мирзоев аз соли 2008 бидуни бақайдгирии давлатӣ дар мақомоти андоз ҳамчун соҳибкори инфиродӣ ба соҳибкории ғайриқонунӣ, яъне вориди фурӯши молҳои ниёзи мардум, машғул буда аст.

Бино ба иттилои манбаъ,  дар паи амалиёт муайян карда шуд, ки номбурда бо мақсади озод шудан аз пардохти андоз ва ба даст овардани фоидаи амвол дар охирҳои моҳи август ва сентябри соли 2008 аз Ҷумҳурии Туркманистон ба номи Раҷабов Б.Х. якчанд маротиба ба миқдори 540-тонна маҳсулоти равғани пахтаро ба маблағи умумии 351000-доллари амрикоӣ ба Тоҷикистон ворид намудаааст. Неъматулло Мирзоев ин миқдори равғани пахтаро фурӯхта ба мақомоти андоз ягон ҳисобот пешниҳод накарда ба давлат бо маблағи наздики 350 ҳазор сомонӣ зарари моддӣ расонидааст.

Феълан аз рӯи ин ҳодиса парвандаи ҷиноӣ оғоз гардида, тафтиш идома дорад.

Мӯҳр